ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានណែនាំឲ្យមន្ទីរសុខាភិបាលរាជធានី-ខេត្តទាំងអស់ ត្រៀមលក្ខណ:ទុកជាមុនដោយមានផែនការត្រឹមត្រូវសម្រាប់អន្តរាគមន៌និងផ្តល់សេវាសុខភាពជូនប្រជាពលរដ្ឋប្រសិនបើមានគ្រោះមហន្តរាយទឹកជំនន់ក្នុងរដូវភ្លៀងដែលកំពុងតែធ្លាក់មកជាបន្តបន្ទាប់

ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានណែនាំឲ្យមន្ទីរសុខាភិបាលរាជធានី-ខេត្តទាំងអស់ ត្រៀមលក្ខណ:ទុកជាមុនដោយមានផែនការត្រឹមត្រូវសម្រាប់អន្តរាគមន៌និងផ្តល់សេវាសុខភាពជូនប្រជាពលរដ្ឋប្រសិនបើមានគ្រោះមហន្តរាយទឹកជំនន់ក្នុងរដូវភ្លៀងដែលកំពុងតែធ្លាក់មកជាបន្តបន្ទាប់

ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានណែនាំឲ្យមន្ទីរសុខាភិបាលរាជធានី-ខេត្តទាំងអស់ ត្រៀមលក្ខណ:ទុកជាមុនដោយមានផែនការត្រឹមត្រូវសម្រាប់អន្តរាគមន៌និងផ្តល់សេវាសុខភាពជូនប្រជាពលរដ្ឋប្រសិនបើមានគ្រោះមហន្តរាយទឹកជំនន់ក្នុងរដូវភ្លៀងដែលកំពុងតែធ្លាក់មកជាបន្តបន្ទាប់។

រដូវភ្លៀងបានមកដល់ហើយក៏កំពុងតែបង្អោរធ្លាក់មកយ៉ាងខ្លាំងនៅតាមតំបន់មួយចំនួន ដែលនឹងអាចមានទឹកជំនន់កើតមានឡើងនៅក្នុងឆ្នាំនេះ បើយោងតាមការព្យាករណ៌ឧតុនិយមលើអាកាសធាតុ និងយោងតាមបទពិសោធន៌ពីគ្រោះមហន្តរាយដោយសារទឹកជំនន់នាឆ្នាំមុនៗ។ ដើម្បីត្រៀមលក្ខណ:ទុកជាមុន ឯកឧត្តមសាស្ត្រាចារ្រ ម៉ម ប៊ុនហេង រដ្ឋមន្ត្រីក្រសួងសុខាភិបាល បានផ្តាំផ្ញើណែនាំឲ្យមន្ទីរសុខាភិបាលរាជធានី-ខេត្តទាំងអស់ រៀបចំផែនការត្រឹមត្រូវសម្រាប់គ្រប់គ្រងកាត់បន្ថយនូវហានិភ័យដោយសារទឹកជំនន់ និងជួយអន្តរាគមន៌ផ្តល់សេវាសុខភាពជូនប្រជាពលរដ្ឋឲ្យបានទាន់ពេលវេលា ប្រសិនបើមានគ្រោះមហន្តរាយទឹកជំនន់កើតមានឡើងក្នុងរដូវភ្លៀងដែលកំពុងតែធ្លាក់មកជាបន្តបន្ទាប់នៅក្នុងឆ្នាំនេះ។

នេះជាការលើកឡើងរបស់លោកជំទាវវេជ្ជបណ្ឱិត ឱ វណ្ណឌីន អគ្គនាយកបច្ចេកទេសសុខាភិបាលនិងជាអ្នកនាំពាក្យក្រសួងសុខាភិបាលនៃព្រះរាជាណាចក្រកម្ពុជា ដែលបានថ្លែងពាំនាំនូវអនុសាសន៌ណែនាំរបស់ឯកឧត្តមរដ្ឋមន្ត្រីក្រសួងសុខាភិបាលជូនថ្នាក់ដឹកនាំនិងមន្ត្រីទទួលបន្ទុកការងារគ្រោះមហន្តរាយនៃមន្ទីរសុខាភិបាលរាជធានី-ខេត្តទាំងអស់ នៅក្នុងឱកាសអញ្ជើញចូលរួមជាអធិបតីក្នុងពិធីបើកសិក្ខាសាលាពង្រឹងសមត្ថភាពសហគមន៍ស្តីពី ការកាត់បន្ថយផលប៉ះពាល់សុខភាពដោយសាការប្រែប្រួលអាកាសធាតុ តាមរយៈការគ្រប់គ្រង និង ការកាត់បន្ថយហានិភ័យគ្រោះមហន្តរាយ នាព្រឹកថ្ងៃពុធ ៧រោច ខែបឋមាសាឍ ឆ្នាំចរ ព.ស.២៥៦២ ត្រូវនឹងថ្ងៃទី ០៤ ខែកក្គដា ឆ្នាំ ២០១៨ នៅសណ្ឋាគារហូលីដេ ទីរួមខេត្តបាត់ដំបង។ លោកជំទាវ បានគូសបញ្ជាក់និងពន្យល់ណែនាំដល់សិក្ខាកាមទាំងអស់ផងដែរថា ៖
១. គោលបំណងនៃការជួបជុំគ្នានាថ្ងៃនេះ គឺដើម្បីផ្តល់ចំណេះដឹងនិងពង្រឹងសមត្ថភាពបន្ថែមទៀតដល់មន្រ្តីសុខាភិបាលលើការគ្រប់គ្រងហានិភ័យគ្រោះមហន្តរាយ ព្រមទាំងការត្រៀមរៀបចំផែនការពាក់ព័ន្ធនឹងការជួយអន្តរាគមន៌សុខភាពនៅពេលមានទឹកជំនន់។
២. ការប្រែប្រួលអាកាសធាតុជាបាតុភូតឌីណាមិកផងនិងបាតុភូតប្រព្រឹត្តកម្មដោយសារមនុស្សផងហើយសូម្បីតែមនុស្សក៏មានការប្រែប្រួលខ្លួនពីទារក ទៅកុមារ ទៅពេញវ័យ ទៅវ័យចាស់ជរា។ ក៏ដូចគ្នានេះដែរ កត្តាធម្មជាតិក៏មានការ ប្រែប្រួលផងដែរ ប៉ុន្តែវាមានលំនាំផ្សេងៗគ្នា មានកត្តាធម្មជាតិ និងកត្តាមនុស្ស៖
-កត្តាធម្មជាតិដូចជា ទឺកជំនន់ គ្រោះរាំងស្ងួត និងខ្យល់កន្រ្តាក់ រន្ទះបាញ់ជាដើម ។
-កត្តាមនុស្សដូចជាការអភិវឌ្ឍន៍ឆាប់រហ័ស លើឧស្សាហកម្ម ដែលអាចមានការបច្ចេញនូវឧស្ម័នបំពុលបរិស្ថាន និងឧស្ម័នដែលអាចធ្វើឲ្យឡើងកំដៅផែនដី ការសាងសង់អាគារធំៗដែលអាចនឹងមានការទុកដាក់កាកសំណល់ និងការបង្ហូរទឹកស្អុយពុំបានត្រឹមត្រូវ និងខ្វះការ ប្រុងប្រយ័ត្នធ្វើឱ្យប៉ះពាល់ដល់បរិស្ថាន និងសុខភាពជាដើម។
៣. បានទាញចំណាប់អារម្មណ៍ដល់សិក្ខាមឱ្សយកចិត្តទុកដាក់ទៅលើគ្រោះទឹកជំនន់ ព្រោះរដូវនេះជារដូវវស្សាអាចនឹងទទួលរងនូវទឹកជំនន់ ហើយនៅពេលដែលមានទឹកជំនន់ធ្វើឱ្សមានបញ្ហាសុខភាពដូចជា ជំងឺបង្ករឡើងដោយសារទឹកមិនស្អាត ការពុលចំណីអាហារ ជំងឺរាគ អាសន្នរោគ ជំងឺដែលបង្ករឡើងដោយភ្នាក់ងារចម្លងមាន គ្រុនចាញ់ គ្រុនឈាម និងជំងឺរមាស់ ភ្នែកក្រហម រលាកផ្លូវដង្ហើម របួសដោយសារការប៉ះទង្គិចនឹងវត្ថុផ្សេងៗ ពស់ចឹក លង់ទឹក និងវិបត្តិផ្លូវចិត្តផងដែរ។
៤. អ្នកដែលងាយរងគ្រោះជាងគេគឺ ស្រ្តី មានផ្ទៃពោះ កុមារ មនុស្សចាស់ និងជនពិការ ដូច្នេះហើយលោកជំទាវអគ្គនាយកបានផ្តល់អនុសាន៍ ដល់សិក្ខាកាមដែលជាប្រធានការិយាល័យស្រុកប្រតិបត្តិ និងប្រធានមណ្ឌលសុខភាព ត្រូវយកចិត្តទុកដាក់រៀបចំផែនការត្រៀមឆ្លើយតប រួមមាន ទីទួលសុវត្ថភាព ទឹកស្អាត ក្រុមគ្រូពេទ្យ សម្ភារៈបរិក្ខា ថ្នាំពេទ្យ សម្រាប់ជួយសង្គ្រោះជនរងគ្រោះដោយ សារទឹកជំនន់ជាពិសេស ការអប់រំ សុខភាពនិងសុវត្ថិភាពចំណីអាហារ និងសុខភាពផ្លូវចិត្ត។
៥. ត្រូវផ្តលនូវសេវាសុខភាពជូនប្រជាពលរដ្ឋរងគ្រោះប្រសិនបើទោះជាមានទឹកជំនន់កើតមានឡើងក៏ដោយ ព្រោះប្រជាពលរដ្ឋនឹងអាចមានបម្លាស់ទីទៅនៅតាមទីទួលសុវត្ថិភាព។
៦. សេវាពិនិត្យផ្ទៃពោះ និងចាក់ថ្នាំបង្ការដល់កុមារ គឺត្រូវតែធ្វើជាចាំបាច់ ដោយក្រុមគ្រូពេទ្យចល័តទៅដល់ទីស្នាក់នៅរបស់ពួកគាត់។
៧. ទីបញ្ចប់លោកជំទាវ បានសំនូមពរ សុំឱ្យសិក្ខាកាមជួយពាំនាំនូវអនុសាន៍ទាំងអស់ទៅជម្រាបជូនដល់ថ្នាក់ដឹកនាំរបស់ខ្លួន គឺត្រូវរៀបចំផែនការដើម្បីឆ្លើយតបឱ្យបានទាន់ពេល និងសូមឱ្យបញ្ជូនសិក្ខាកាមជាស្ត្រីដែលមាន សមត្ថភាពមកចូលរួម ឱ្យបានច្រើនក្នុងវគ្គបណ្តុះបណ្តាលនិងសិក្ខាសាលា លើកក្រោយៗ ដើម្បីបញ្ជ្រាបយេនឌ័រក្នុងការងារគ្រប់គ្រងគ្រោះមហន្តរាយ ដោយសារការ ប្រែប្រួលអាកាសធាតុ។

សិក្ខាសិលានេះ មានការអញ្ជើញចូលរួមពីតំណាងគណកម្មការគ្រប់គ្រងគ្រោះមហន្តរាយ តំណាងសម្ព័ន្ធភាពប្រែប្រួលអាកាសធាតុនៃក្រសួងបរិស្ថាន ថ្នាក់ដឹកនាំនិងមន្ត្រីទទួលបន្ទុកការងារគ្រប់គ្រងគ្រោះមហន្តរាយនៃនាយកដ្ឋានការពារសុខភាពរបស់ក្រសួងសុខាភិបាល បុគ្គលិកមន្ត្រីសុខាភិបាលមកពីខេត្តចំនួន១៥ និងតំណាងអង្គការសុខភាពពិភពលោកផងដែរ។

ព័ត៌មានទទួលបានពីនាយកដ្ឋានការពារសុខភាពនៃក្រសួងសុខាភិបាល។

36577286_1823491561023275_3182203495092584448_n36582842_1823491567689941_5632791953063018496_n36598078_1823491594356605_4757550482258395136_n

កម្ពុជា សម្រេចបាននូវគោលដៅជាតិនិង គោលដៅតំបន់ប៉ាស៊ីហ្វិកខាងលិចក្នុងការ ប្រយុទ្ធនឹងជំងឺរលាកថ្លើមប្រភេទបេ លើកុមារ

កម្ពុជា សម្រេចបាននូវគោលដៅជាតិនិង គោលដៅតំបន់ប៉ាស៊ីហ្វិកខាងលិចក្នុងការ ប្រយុទ្ធនឹងជំងឺរលាកថ្លើមប្រភេទបេ លើកុមារ

ថ្លែងនៅក្នុងសន្និសីទសារព័ត៌មាន ស្តីពីប្រទេសកម្ពុជាបានសម្រេចគោលដៅជាតិ និងតំបន់ប៉ាស៊ីហ្វិកខាងលិចក្នុងការប្រយុទ្ធនឹងជំងឺរលាកថ្លើមប្រភេទបេ លើកុមារ នៅទីស្តីការក្រសួងសុខាភិបាល នារសៀលថ្ងៃសុក្រ ១០ រោច ខែជេស្ឋ ឆ្នាំច សំរឺទ្ធិស័ក ព.ស. ២៥៦២ ត្រូវនឹងថ្ថ្ងៃទី០៨ ខែមិថុនា ឆ្នាំ២០១៨ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល (ដោយមានការចូលរួមពីសំនាក់លោកវេជ្ជបណ្ឌិត Liu Yunguo តំណាងអង្គការសុខភាពពិភពលោក ប្រចាំនៅកម្ពុជា និងលោកស្រី Natascha Paddison នាយិការងអង្គការយូនីសេហ្វ ប្រចាំនៅកម្ពុជា លោកជំទាវវេជ្ជបណ្ឌិត ឱ វណ្ណឌីន អគ្គនាយកបច្ចេកទេសសុខាភិបាល លោកស្រីសាស្ត្រាចារ្យ ទុង រដ្ឋាវី ប្រធានមជ្ឍមណ្ឌលជាតិគាំពារមាតានិងទារក និងឯកឧត្តម លោកជំទាវជាថ្នាក់ដឹកនាំក្រសួងសុខាភិបាល មន្ត្រី បុគ្គលិកសុខាភិបាល ព្រមទាំងដៃគូអភិវឌ្ឍសុខាភិបាល) បានប្រកាសថា “​ប្រទេសកម្ពុជា ត្រូវបានអង្គការសុខភាពពិភពលោក ទទួលស្គាល់ថាជាប្រទេសបានសម្រេច គោលដៅជាតិ និងតំបន់ប៉ាស៊ីហ្វិកខាងលិចក្នុងការប្រយុទ្ធនឹងជំងឺរលាកថ្លើមប្រភេទបេ លើកុមារ’ ដែលសមិទ្ធិផលដ៏គួរឲ្យមោទនៈនេះ គឺបានមកពីការគាំទ្រសព្វបែបយ៉ាង និងការយកចិត្តទុកដាក់ខ្ពស់លើសុខភាពមាតា ទារកនិងកុមារ ព្រមទាំងប្រជាជនទូទៅ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន។ ឯកឧត្តមរដ្ឋមន្ត្រី ក៏បានបន្តទៀតថា ៖ នៅមុនឆ្នាំ២០០៥ មុនពេលបញ្ចូលវ៉ាក់សាំងការពារជំងឺរលាកថ្លើមប្រភេទបេ ទៅក្នុងកម្មវិធី ផ្តល់ថ្នាំបង្ការនៅកម្ពុជាមានការឆ្លងរាលដាលជំងឺរលាកថ្លើមប្រភេទបេ ជាច្រើន។ តាមការប៉ាន់ស្មាន របស់អង្គការសុខភាពពិភពលោក និងតាមការអង្កេតជាច្រើនបានបង្ហាញថា អត្រាផ្ទុកវីរុសរលាកថ្លើម ប្រភេទបេ ក្នុងចំណោមប្រជាជនទូទៅមានប្រមាណចន្លោះពី៥% ទៅ ១០%។
នៅឆ្នាំ២០០៦ ការអង្កេតមួយធ្វើឡើងដោយវិទ្យាស្ថានជាតិសុខភាពសាធារណៈ កម្មវិធីជាតិផ្តល់ថ្នាំបង្ការ និងមានការគាំទ្រដោយអង្គការសុខភាពពិភពលោក និងអង្គការ PATH នៅទូទាំង ប្រទេសទៅលើកុមារអាយុក្រោម៥ឆ្នាំ។ លទ្ធផលបានបង្ហាញថា ប្រេវ៉ាឡង់នៃជំងឺរលាកថ្លើមប្រភេទបេ លើកុមារមាន ៣.៥%។ នៅឆ្នាំ២០១១ ការអង្កេតមួយបានធ្វើឡើងដោយសាកលវិទ្យាល័យវិទ្យាសាស្ត្រសុខាភិបាល និងគាំទ្រដោយអង្គការសុខភាពពិភពលោក ទៅលើកុមារអាយុ៥ឆ្នាំ នៅក្នុងរាជធានីភ្នំពេញ-ខេត្ត ក្រចេះ និងរតនគីរី។ លទ្ធផលបានបង្ហាញថា ប្រេវ៉ាឡង់នៃជំងឺរលាកថ្លើមប្រភេទបេលើកុមារមានភាពខុសប្លែកគ្នាទៅតាមរាជធានី-ខេត្ត ដោយនៅរាជធានីភ្នំពេញប្រេវ៉ាឡង់នៃជំងឺរលាកថ្លើមប្រភេទបេ លើកុមារមានត្រឹមតែ ០.៣៣% នៅខេត្តក្រចេះមាន ១.៤១% និងនៅខេត្តរតនគីរី មានរហូតដល់ ៣.៤៥%។

ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រទេសកម្ពុជាបានប្រឹងប្រែងយ៉ាងខ្លាំងក្នុងការកាត់បន្ថយការចម្លងវីរុសរលាកថ្លើមប្រភេទបេ តាមរយៈការបញ្ចូលវ៉ាក់សាំងការពារជំងឺរលាកថ្លើមប្រភេទបេ ទៅក្នុងកម្មវិធីជាតិផ្តល់ថ្នាំបង្ការនៅទូទាំងប្រទេសនាឆ្នាំ២០០៥។ ចាប់ពីពេលនោះមក វ៉ាក់សាំងការពារជំងឺរលាកថ្លើមប្រភេទបេ ត្រូវបានផ្តល់ដល់ទារកចាប់ពីពេលកើត (ក្នុងអំឡុងពេល២៤ម៉ោង) និងផ្តល់ជាបន្តបន្ទាប់ចំនួន៣ដូសបន្ថែមទៀត នៅពេលទារកមានអាយុ ៦ សប្តាហ៍ ១០សប្តាហ៍ និង១៤សប្តាហ៍។ ការផ្តល់ថ្នាំបង្ការជំងឺដល់ទារក និងកុមារ ជាសកម្មភាពអទិភាពចម្បងដែលមន្ត្រី បុគ្គលិកសុខាភិបាលទាំងអស់គ្រប់ជាន់ថ្នាក់អនុវត្តយ៉ាងសកម្មដោយមានការគាំទ្រពីអង្គការដៃគូអភិវឌ្ឍន៍ និងមានការចូលរួមពីសហគមន៍ និងអជ្ញាធរមូលដ្ឋាន។ ជាលទ្ធផល អត្រាគ្របដណ្តប់នៃការផ្តល់ថ្នាំបង្ការជំងឺរលាកថ្លើមប្រភេទបេ មានការកើនឡើងគួរឱ្យកត់សំគាល់ ដោយអត្រាគ្របដណ្តប់នៃការផ្តល់ថ្នាំបង្ការនៅពេល២៤ម៉ោង ក្រោយកើតកើនពី២៤% នៅឆ្នាំ២០០៥ ដល់ ៧១% នៅឆ្នាំ២០១០ និង៨៤% នៅឆ្នាំ២០១៧។ ឯអត្រាគ្របដណ្តប់នៃការផ្តល់ថ្នាំបង្ការ៣ដូសទៀត កើនពី៨៣% នៅឆ្នាំ២០០៥ ដល់៩២% នៅឆ្នាំ២០១០ និង៩៨% នៅឆ្នាំ២០១៧។

ផ្អែកតាមលទ្ធផលនេះ អង្គការសុខភាពពិភពលោកបានស្នើឱ្យមានការអង្កេតស្រាវជ្រាវម្តងទៀត ដើម្បីវាយតម្លៃប្រេវ៉ាឡង់ជំងឺរលាកថ្លើមប្រភេទបេលើកុមារនៅកម្ពុជា ធៀបទៅនឹងគោលដៅ តំបន់របស់អង្គការសុខភាពពិភពលោក ដែលបានកំណត់កាត់បន្ថយប្រេវ៉ាឡង់ជំងឺរលាកថ្លើមប្រភេទ បេ ក្នុងចំណោមកុមារឱ្យនៅតិចជាង១% នៅឆ្នាំ២០១៧។ ការអង្កេតត្រូវបានធ្វើឡើងដោយសាកល វិទ្យាល័យហ៊ីរ៉ូស៊ីម៉ា អង្គការសុខភាពពិភពលោក US-CDC និងសាកលវិទ្យាល័យវិទ្យាសាស្ត្រសុខាភិបាល។ ជាលទ្ធផល ប្រេវ៉ាឡង់ជំងឺរលាកថ្លើមប្រភេទបេ លើកុមារមានត្រឹមតែ ០.៥៦% ប៉ុណ្ណោះ។
លទ្ធផលដែលបានពីការអង្កេតនេះ ត្រូវបានពិនិត្យដោយក្រុមការងារវាយតម្លៃឯករាជ្យមួយ (Regional Independent Verification Panel) ដឹកនាំដោយលោកវេជ្ជបណ្ឌិត John Ward នាយកកម្មវិធីលុបបំបាត់ជំងឺរលាកថ្លើមដោយវីរុស/ក្រុមការងារសុខភាពសកល លោកវេជ្ជបណ្ឌិត Jong-Hyun Kim សាស្ត្រាចារ្យនៅសាកលវិទ្យាល័យកាតូលិកកូរ៉េ និងលោកវេជ្ជបណ្ឌិត Mark Kane ទីប្រឹក្សាបច្ចេកទេសផ្នែកវ៉ាក់សាំងរបស់អង្គការសុខភាពពិភពលោក។
ក្រុមការងារវាយតម្លៃនេះបានធ្វើការសន្និដ្ឋានថា ប្រទេសកម្ពុជាបានសម្រេចគោលដៅជាតិ និងគោលដៅតំបន់ប៉ាស៊ីហ្វិកខាងលិច ក្នុងការប្រយុទ្ធនឹងជំងឺរលាកថ្លើមប្រភេទបេ លើកុមារ។
ខ្ញុំសូមថ្លែងអំណរគុណយ៉ាងជ្រាលជ្រៅជាទីបំផុតជូនចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ដែលតែងតែផ្តល់នូវការគាំទ្រសព្វបែបយ៉ាងលើសុខភាពមាតា ទារក និងកុមារ ជាពិសេស និងដល់ប្រជាជនកម្ពុជាទូទៅ និយាយជារួម ដែលធ្វើឲ្យក្រសួងសុខាភិបាលអាចសម្រេចបាននូវសមិទ្ធផលជាច្រើន។ ជាក់ស្តែងថ្ងៃនេះ កម្ពុជាទទួលបាននូវការបញ្ជាក់ពីអង្គការសុខភាពពិភពលោកថា ប្រទេសកម្ពុជាបានសម្រេចតាមគោលដៅប្រយុទ្ធនឹងជំងឺរលាកថ្លើមប្រភេទបេ នៅឆ្នាំ២០១៧នេះ ជាសក្ខីភាពជាក់ស្តែង។
ខ្ញុំក៏សូមថ្លែងអំណរគុណដល់ថ្នាក់ដឹកនាំ មន្ត្រី បុគ្គលិកសុខាភិបាលគ្រប់ជាន់ថ្នាក់ ព្រមទាំងអាជ្ញាធរមូលដ្ឋាន ស្ថាប័នពាក់ព័ន្ធ និងដៃគូអភិវឌ្ឍសុខាភិបាលទាំងអស់ ដែលបានខិតខំធ្វើសកម្មភាព និងផ្តល់ការគាំទ្រលើកម្មវិធីជាតិផ្តល់ថ្នាំបង្ការ ដែលធ្វើឲ្យប្រេសកម្ពុជាសម្រេចបាននូវសមិទ្ធផលនាថ្ងៃនេះ។
ខ្ញុំសូមថ្លែងអំណរគុណជាអនេកដល់មាតា បិតា និងអាណាព្យាបាលទាំងអស់ ដែលបាននាំបុត្រា បុត្រី មកទទួលថ្នាំបង្ការជំងឺរលាកថ្លើមប្រភេទបេ។ ខ្ញុំសូមជំរុញឲ្យមាតា បិតា និងអាណាព្យាបាលទាំងអស់បន្តនាំកូន ចៅមកទទួលថ្នាំបង្ការបន្តទៀតឲ្យបានគ្រប់មុខទៅតាមកម្មវិធីថ្នាក់ជាតិ។

ភ្ជាប់មកជាមួយនេះ នូវសេចក្តីប្រកាសព័ត៌មានស្តីពីប្រទេសកម្ពុជាបានសម្រេចគោលដៅជាតិ និងតំបន់ប៉ាស៊ីហ្វិកខាងលិចក្នុងការប្រយុទ្ធនឹងជំងឺរលាកថ្លើមប្រភេទបេ លើកុមារ របស់ក្រសួងសុខាភិបាលជាភាសាខ្មែរនិងផាសាអង់គ្លេស។34788675_1784621271576971_6615694226615173120_o

ព័ត៌មានទទួលបានពីអ្នកនាំពាក្យក្រសួងសុខាភិបាលនៃព្រះរាជាណាចក្រកម្ពុជា។

ពិធី​ប្រគល់-ទទួល​រថយន្ត​គ្លីនិក​ចល័ត ចំនួន​២០គ្រឿង លើក​ដំបូង​ដែល​ជាជំនួយ​ឥតសំណង​របស់​សាធារណរដ្ឋ​ប្រជាមានិត​ចិន​

ពិធី​ប្រគល់-ទទួល​រថយន្ត​គ្លីនិក​ចល័ត ចំនួន​២០គ្រឿង លើក​ដំបូង​ដែល​ជាជំនួយ​ឥតសំណង​របស់​សាធារណរដ្ឋ​ប្រជាមានិត​ចិន​

នាថ្ងៃព្រហស្បត៌ ១១ រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១០ ខែឧសភា ឆ្នាំ២០១៨ វេលាម៉ោង ០៨:០០ ព្រឹក នៅមន្ទីរពេទ្យមិត្តភាពខ្មែរ-សូវៀត ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល បានអញ្ជើញជាអធិបតីរួមជាមួយ ឯកឧត្តម សុង បូ ឯកអគ្គរដ្ឋទូតវិសាម័ញ្ញនិងពេញសមត្ថភាពនៃ សាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ក្នុងពិធីប្រគល់-ទទួលរថយន្តគ្លីនិកចល័ត ចំនួន២០គ្រឿង លើកដំបូង ដែលជាជំនួយឥតសំណងរបស់សាធារណរដ្ឋប្រជាមានិតចិន ជូនក្រសួងសុខាភិបាលនៃព្រះរាជាណាចក្រកម្ពុជា។

ឯកឧត្តមរដ្ឋមន្រ្តីក្រសួងសុខាភិបាបានមានប្រសាសន៍ថា តាមគំនិតផ្តួចផ្តើមរបស់មេដឹកនាំកំពូលនៃប្រទេសយើងទាំងពីរ គឺ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃព្រះរាជាណាចក្រកម្ពុជា និង ឯកឧត្តម ស៊ី ជីងពីង ប្រធានាធិបតីនៃសាធារណរដ្ឋប្រជាមានិតចិន លិខិតប្តូរសារស្តីពីការផ្តល់គ្លីនិកចល័តចំនួន៤០គ្រឿង រវាងរាជរដ្ឋាភិបាលកម្ពុជានិងរដ្ឋាភិបាលនៃសាធារណរដ្ឋប្រជាមានិតចិន ត្រូវបានចុះហត្ថលេខានាថ្ងៃទី០៩ ខែវិច្ឆិកា ឆ្នាំ២០១៧។ ការផ្គត់ផ្គង់រថយន្តគ្លីនិកចល័តនេះ ត្រូវបានធ្វើជាពីរដំណាក់កាល គឺដំណាក់កាលទី១ ភាគីមិត្តចិនប្រគល់ចំនួន២០គ្រឿង ឱ្យក្រសួងសុខាភិបាលនាពេលនេះ។ រីឯ ២០គ្រឿងទៀត ភាគីមិត្តចិននឹងផ្តល់ជូនក្នុងតំណាក់កាលទី២ នៅពេលវេលាសមស្រប បន្ទាប់ពីទទួលបានព័ត៌មានត្រឡប់ពីការប្រើប្រាស់រថយន្តគ្លីនិកចល័តទាំង២០គ្រឿងនៃដំណាក់កាលទី១។ រថយន្ត ចំនួន២០គ្រឿង ក្នុងតំណាក់កាលទី២ នឹងត្រូវបញ្ជូនមកកម្ពុជាយ៉ាងយូរបំផុតត្រឹមថ្ងៃទី៣១ ខែតុលា ឆ្នាំ២០១៨។

ឯកឧត្តមរដ្ឋមន្រ្តី ក៏បានគូសបញ្ជាក់បន្ថែមថា គ្លីនិកចល័តនេះ ត្រូវបានបំពាក់ដោយសម្ភារៈបរិក្ខារពេទ្យ មានដូចជា ម៉ាស៊ីនកាំរស្មីអ៊ិចឌីជីថល អេកូឌីជីថល ឧបករណ៍វិភាគទឹកនោម ឧបករណ៍វិភាគឈាម ម៉ូនីទ័រតាមដានគភ៌ទារក និងម្តាយ ជញ្ជីងថ្លឹងទម្ងន់ និងវាស់កម្ពស់ ឧបករណ៍ឆែកមុខងារសួត ឧបករណ៍វិភាគជីវគីមីដោយស្វ័យប្រវត្តិ (Electrocardiograph, Binocular Handheld Slit Lamp Microscope, General type hanging diagnosis System, Digital Electronic Colposcope) ឧបករណ៍ពិនិត្យសុដន់អ៊ីនហ្រ្វារ៉េដ កញ្ចប់ឧបករណ៍ផ្នែករោគស្រ្តី កញ្ចប់ឧបករណ៍ផ្នែកវះកាត់ទូទៅ ត្រចៀក ច្រមុះ បំពង់ក កៅអីព្យាបាលធ្មញ ម៉ាស៊ីនខ្យល់កំចាត់មេរោគ មីក្រូទស្សន៍ជីវសាស្រ្ត ឧបករណ៍កំចាត់មេរោគ ទូទឹកកកវេជ្ជសាស្រ្ត និងគ្រឿងបន្លាស់សរុប ៥% នៃសម្ភារៈបរិក្ខារពេទ្យទាំងអស់។ គ្លីនិកចល័តទាំងនេះនឹងត្រូវបានបែងចែកទៅឱ្យមន្ទីរសុខាភិបាលរាជធានី-ខេត្តទាំង២៥ ដើម្បីប្រើប្រាស់ក្នុងការផ្ដល់សេវាពិនិត្យ ព្យាបាលដល់ប្រជាពលរដ្ឋ ដែលនឹងចូលរួមចំណែកបង្ខិតសេវាសុខាភិបាលឱ្យកាន់តែជិតប្រជាពលរដ្ឋ ប្រកបដោយគុណភាព សុវត្ថិភាព និងប្រសិទ្ធភាព។
ឯកឧត្តមរដ្ឋមន្រ្តី បានថ្លែងអំណរគុណយ៉ាងជ្រាលជ្រៅដល់រដ្ឋាភិបាល នៃសាធារណរដ្ឋប្រជាមានិតចិន ប្រជាជនចិន ហើយអំណោយដ៏ថ្លៃថ្លានាពេលនេះ នឹងចូលរួមចំណែកលើកកម្ពស់សុខភាព និងគុណភាពជីវិតប្រជាជនកម្ពុជា ស្របតាមគោលនយោបាយរបស់រាជរដ្ឋាភិបាលកម្ពុជា។

ឯកឧត្តមឯកអគ្គរដ្ឋទូតចិន បានមានប្រសាសន៍ថា ជំនួយគ្លីនិកចល័តនេះជាជំនួយក្រៅប្រទេសទី១ របស់សាធារណរដ្ឋប្រជាមានិតចិន ហើយដែលបានផ្តល់ជូនកម្ពុជា និងសូមសំណូមពរដល់មន្រ្តីសុខាភិបាលកម្ពុជា ប្រើប្រាស់ ព្រមទាំងថែទាំគ្លីនិកចល័តទាំងនេះឱ្យមានប្រសិទ្ធិភាពខ្ពស់។

ព័ត៌មានទទួលបានពីនាយកដ្ឋានសហប្រតិបត្តិការអន្តរជាតិនៃក្រសួងសុខាភិបាល។

31631933_1746889342016831_3436002033260298240_n32188179_1746889622016803_4085578157032210432_n32191527_1746889488683483_5875978898352635904_n32191646_1746889795350119_1403081943481843712_n32191868_1746889485350150_4719313625372688384_n32202933_1746889788683453_2944723676576088064_n32203000_1746889798683452_8282648760215928832_n32215151_1746889468683485_1462871143827374080_n32218658_1746889618683470_6803708975503114240_n32226872_1746889335350165_378140779144544256_n32235589_1746889338683498_6005650420649689088_n32257245_1746889972016768_7663052925509304320_n32260650_1746889608683471_3843499871650709504_n32293808_1746889492016816_6038478221492617216_n32294357_1746889625350136_5160362086127108096_n32294719_1746889348683497_6317528109344096256_n32313352_1746889802016785_3341521729229946880_n

សកម្មភាព​​ចូលរួម​​របស់​​ឯកឧត្តម​សាស្ត្រាចារ្យ​ ម៉ម​ ប៊ុនហេង​ រដ្ឋមន្ត្រី​​ក្រសួង​សុខាភិបាល​​ និង​លទ្ធផល​​សន្និសីទ​​អន្តរជាតិ​​ថ្នាក់​​រដ្ឋមន្ត្រី​​ ស្តីពី​​សុវត្ថិភាព​​អ្នកជំងឺ​​លើក​ទី៣​​ ពីថ្ងៃទី១៣​ ដល់ទី១៤​ ខែមេសា​ ឆ្នាំ២០១៨​

សកម្មភាព​​ចូលរួម​​របស់​​ឯកឧត្តម​សាស្ត្រាចារ្យ​ ម៉ម​ ប៊ុនហេង​ រដ្ឋមន្ត្រី​​ក្រសួង​សុខាភិបាល​​ និង​លទ្ធផល​​សន្និសីទ​​អន្តរជាតិ​​ថ្នាក់​​រដ្ឋមន្ត្រី​​ ស្តីពី​​សុវត្ថិភាព​​អ្នកជំងឺ​​លើក​ទី៣​​ ពីថ្ងៃទី១៣​ ដល់ទី១៤​ ខែមេសា​ ឆ្នាំ២០១៨​

សេចក្តីជូនព័ត៌មាន អំពីសកម្មភាពចូលរួមរបស់ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងលទ្ធផលសន្និសីទអន្តរជាតិថ្នាក់រដ្ឋមន្ត្រី ស្តីពីសុវត្ថិភាពអ្នជំងឺលើកទី៣ ពីថ្ងៃទី១៣ ដល់ទី១៤ ខែមេសា ឆ្នាំ២០១៨ ៖

នាថ្ងៃសុក្រ ១៣រោច ខែចេត្រ ឆ្នាំរកា នព្វស័ក ព.ស.២៥៦១ និងថ្ងៃសៅរ៌ ១៤រោច ខែចេត្រ ឆ្នាំចរ សំរិទ្ធិស័ក ព.ស.២៥៦២ ត្រូវនឹងថ្ងៃទី១៣-១៤ ខែមេសា ឆ្នាំ២០១៨ ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល អមដំណើរដោយលោកជំទាវវេជ្ជបណ្ឌិត ឱ វណ្ណឌីន អគ្គនាយកបច្ចេកទេសសុខាភិបាល និងលោកវេជ្ជបណ្ឌិត ស៊ុង វិនត: ប្រធាននាយកដ្ឋានសហប្រតិបត្តិការអន្តរជាតិនៃក្រសួងសុខាភិបាល បានអញ្ជើញចូលរួមសន្និសីទអន្តរជាតិថ្នាក់រដ្ឋមន្ត្រី ស្តីពីសុវត្ថិភាពអ្នជំងឺលើកទី៣ ដែលបានប្រព្រឹត្តទៅនៅទីក្រុងតូក្យូ ប្រទេសជប៉ុន ដែលមានគណ:ប្រតិភូនៃបណ្តាប្រទេសចំនួន៤២ ដឹកនាំដោយឯកឧត្តម លោកជំទាវ ជារដ្ឋមន្ត្រីក្រសួងសុខាភិបាលមកពីគ្រប់តំបន់លើសាកលលោក គណ:ប្រតិភូនៃអង្គការសុខភាពពិភពលោក និងអង្គការអន្តរជាតិនានា នៅលើសាកលលោក និងដៃគូនានា សរុបប្រមាណជា ៥០០នាក់ បានអញ្ជើញចូលរួម។

សន្និសីទអន្តរជាតិថ្នាក់រដ្ឋមន្ត្រីនេះ បានរៀបចំជាដំបូងនៅប្រទេសអង់គ្លេស លើកទី២នៅប្រទេសអាល្លឺម៉ង់ និងលើក ទី៣ គឺប្រទេសជប៉ុនទទួលធ្វើជាម្ចាស់ផ្ទះ។ សន្និសីទលើកទី៣នេះ ត្រូវបានរៀបចំឡើងក្នុងគោលបំណងដើម្បីលើកកម្ពស់សុខភាពនិងដាក់បញ្ចូលសារសំខាន់នៃសុវត្ថិភាពអ្នកជំងឺនៅក្នុងមូលដ្ឋានសុខាភិបាល ដែលផលិតចេញបានពីអង្គសន្និសីទក្នុងរយ:ពេល២ថ្ងៃ ទៅក្នុងប្រព័ន្ធសុខាភិបាលរបស់ប្រទេសនីមួយៗនៅទូទាំងពិភពលោក ព្រមទាំងលើកកម្ពស់កិច្ចសហប្រតិបត្តិការ ចែករំលែកបទពិសោធន៌ ព័ត៌មាន និងដំណោះស្រាយនានាជុំវិញប្រធានបទនៃអង្គសន្និសីទនេះផងដែរ។

ថ្ងៃទី១នៃអង្គសន្និសីទ មានការជួបប្រជុំឧត្តមមន្ត្រី អ្នកជំនាញការ ទីប្រឹក្សានិងអ្នកបច្ចេកទេសសុខាភិបាល ដោយមានធ្វើបទបង្ហាញនិងពិភាគ្សា ដាក់ចេញនូវសារសំខាន់ៗពាក់ព័ន្ធទៅនឹងបញ្ហាសុវត្ថិភាពអ្នកជំងឺ ហើយដាក់ជូនកិច្ចប្រជុំថ្នាក់រដ្ឋមន្ត្រីនៅថ្ងៃទី២នៃសន្និសីទអន្តរជាតិ ដែលឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានអញ្ជើញចូលរួមដោយបានថ្លែងបទអន្តរាគមន៌ផ្តោតលើចំណុចសំខាន់ៗដូចតទៅ៖
១. ការយកចិត្តទុកដាក់ដ៏ខ្ពង់ខ្ពស់បំផុតនិងការដាក់ចេញនូវគោលនយោបាយជាតិគាំពារសុខភាពសង្គមរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា លើការផ្តល់សេវាសុខភាពជាសាកលសម្រាប់ប្រជាជនកម្ពុជា ជាពិសេសការផ្តល់សេវាសុខភាពដោយរដ្ឋជាអ្នកចេញថ្លៃសេវាជំនួសតាមរយ:មូលនិធិសមធ៌ម សម្រាប់ជនក្រីក្រ និងបេឡាជាតិសន្តិសុខសង្គមសម្រាប់កម្មករ-កម្មការិនីក្នុងនិងក្រៅប្រព័ន្ធ អ្នកធាក់សុីក្លូ សមាជិក-ជិកាក្រុមប្រឹក្សាភូមិ-ឃុំ-សង្កាត់ មន្ត្រីសាធារណ: មន្ត្រីធ្វើសកម្មភាពដោះមីន អតីតយុទ្ធជន ជនពិការ និវត្តន៌ជន ជនចាស់ជរាគ្មានទីពឹង និងការផ្តល់សាច់ប្រាក់ផ្ទាល់ជូនដល់ស្រ្តីសម្រាលកូន ជាដើម ដែលជាការចូលរួមចំណែកផងដែរលើការគិតគូរពីសុវត្ថិភាព និងសុខភាពអ្នកជំងឺរបស់រាជរដ្ឋាភិបាលកម្ពុជា
២. បទពិសោធន៌ដែលកម្ពុជាបានអនុវត្តគោលនយោបាយសុវត្ថិភាពអ្នកជំងឺ និងការកែលម្អគុណភាពសេវាសុខាភិបាល ដោយបានដាក់បញ្ចូលរួចហើយនូវបញ្ហាសុវត្ថិភាពអ្នកជំងឺ និងអ្នកផ្តល់សេវា ទៅក្នុងប្រព័ន្ធសុខាភិបាលកម្ពុជា
៣. តួនាទីរបស់គ្រូពេទ្យនិងការបង្កើននូវសុវត្ថិភាពអ្នកជំងឺនៅក្នុងបរិបទដែលក្រសួងសុខាភិបាលកម្ពុជា ក៏ដូចជាសាកលលោក កំពុងអនុវត្តន៌ការផ្តល់សេវាសុខភាពជាសាកល។

បន្ថែមលើនេះ ឯកឧត្តមរដ្ឋមន្ត្រីក្រសួងសុខាភិបាល សាស្ត្រាចារ្យ ម៉ម ប៊ុនហេង បានផ្តល់ជាអនុសាសន៌ជូនអង្គសន្និសីទលើចំណុចសំខាន់ៗ ដូចខាងក្រោមនេះ ៖
១. ត្រូវរៀបចំឲ្យមានជាផ្នែក “សុវត្ថិភាពអ្នកជំងឺនិងអ្នកផ្តល់សេវា” នៅក្នុងប្រព័ន្ធសុខាភិបាល ដូចជាការបង្កើតឲ្យមានគណ:កម្មការសុវត្ថិភាពនិងគុណភាពអ្នកជំងឺនិងអ្នកផ្តល់សេវា ជាដើម
២. បង្កើតនូវវប្បធ៌មរាយការណ៌ដោយតម្លាភាពសម្រាប់អ្នកជំងឺនិងអ្នកផ្តល់សេវា
៣. បង្កើតនូវប្រព័ន្ធទទួលស្គាល់គុណភាពសម្រាប់មូលដ្ឋានសុខាភិបាល ដើម្បីធានាគុណភាពនិងសុវត្ថិភាពសេវាខ្ពស់ដែលត្រូវផ្តល់ជូនអ្នកជំងឺ
៤. រៀបចំឲ្យមានឫធ្វើបច្ចុប្បន្នភាព ច្បាប់និងបទដ្ឋានគតិយុទ្ធ គោលការណ៌ណែនាំ និងឧបករណ៌ឫសម្ភារ:វាយតម្លៃ ដែលពាក់ព័ន្ធនឹងសុវត្ថិភាពអ្នកជំងឺក្នុងគ្រប់ទម្រង់នៃប្រព័ន្ធសុខាភិបាល
៥. ត្រូវអភិវឌ្ឍន៌ផែនការសកម្មភាពសម្រាប់គុណភាពនិងសុវត្ថិភាព ព្រមទាំងតាមដានការអនុវត្តជាប្រចាំនៅតាមថ្នាក់និមួយៗនៃប្រព័ន្ធសុខាភិបាល
៦. បញ្ជ្រាបចូលទៅក្នុងកម្មវិធីបណ្តុះបណ្តាលទាំងមុននិងក្រោយធ្វើការនូវប្រធានបទសុវត្ថិភាពអ្នកជំងឺនិងអ្នកផ្តល់សេវា
៧. រៀបចំឲ្យមានកិច្ចប្រជុំជាប្រចាំឆ្នាំលើ “សុវត្ថិភាពអ្នកជំងឺនិងអ្នកផ្តល់សេវា” ដើម្បីចែករំលែកបទពិសោធន៌ វឌ្ឍនភាពនិងបញ្ហាប្រឈមពីបណ្តាប្រទេសលើសាកលលោក ព្រមទាំងផ្តល់អនុសាសន៌សម្រាប់ការអនុវត្តបន្ត
៨. ចាត់តាំងឲ្យមានជាជនបង្គោលសម្រាប់ប្រទេសនិមួយៗ សម្រាប់ទំនាក់ទំនងផ្សារភ្ជាប់ជាមួយបណ្តាញសាកលលោកលើសុវត្ថិភាពអ្នកជំងឺនិងអ្នកផ្តល់សេវា
៩. ធ្វើឲ្យបានល្អប្រសើរឡើងនូវប្រព័ន្ធព័ត៌មានដើម្បីធានាថាការសម្រេចចិត្តណាមួយ ត្រូវបានធ្វើឡើងដោយមានទិន្នន័យត្រឹមត្រូវយកជាការបាន។

គួរកត់សម្គាល់ថា មានការជួបប្រជុំដោយឡែកជាលក្ខណ:ទ្វេភាគី រវាង ឯកឧត្តមរដ្ឋមន្ត្រីក្រសួងសុខាភិបាល សាស្ត្រាចារ្យ ម៉ម ប៊ុនហេង ជាមួយសមភាគីជប៉ុន ឯកឧត្តម កាត់ស៊ូណូប៊ូ កាតូ រដ្ឋមន្ត្រីក្រសួងសុខាភិបាល ការងារ និងសុខុមាលភាពនៃប្រទេសជប៉ុន ( H.E. Mr. Katsunobu Kato, Minister of Health, Labour and Welfare, Japan) ដើម្បីពង្រឹងកិច្ចសហប្រតិបត្តិការលើវិស័យសុខាភិបាល រឹតចំណងមិត្តភាពរវាងប្រទេសទាំងពីរ ដែលទទួលបានលទ្ធផលល្អ ដោយភាគីជប៉ុននឹងបន្តជួយដល់វិស័យសុខាភិបាលកម្ពុជាជាបន្តទៀត។ ឯកឧត្តមរដ្ឋមន្ត្រី ម៉ម ប៊ុនហេង ក៏បានឆ្លៀតពេលដ៏មមាញឹកជួបជាលក្ខណ:ផ្ទាល់ៗ ជាមួយបណ្តាប្រទេសមួយចំនួនទៀត ដើម្បីពង្រឹងចំណងទំនាក់ទំនងជាមួយបណ្តាប្រទេសទាំងនោះផងដែរ។

អង្គសន្និសីទបានបញ្ចប់ទៅដោយជោគជ័យ នៅថ្ងៃ១៤ រោច ខែចេត្រ ឆ្នាំចរ សំរិទ្ធិស័ក ព.ស.២៥៦២ ត្រូវនឹងនៅថ្ងៃទី១៤ ខែមេសា ឆ្នាំ២០១៨ ដោយបានចេញសេចក្តីប្រកាសទីក្រុងតូក្យូស្តីពីសុវត្ថិភាពអ្នកជំងឺ ដែលមានខ្លឹមសារជាសង្ខេបដូចខាងក្រោមនេះ៖
– បញ្ជាក់នូវការប្តេជ្ញាចិត្តយ៉ាងខ្លាំងក្លាដើម្បីអនុវត្តន៌ “សកម្មភាពរួមជាសាកលលើសុវត្ថិភាពអ្នកជំងឺ“ នៃបណ្តាប្រទេសលើសាកលលោក ដោយយកចិត្តទុកដាក់ដាក់បញ្ចូលជាអាទិភាពក្នុងគោលនយោបាយនិងសកម្មភាពសម្រាប់វិស័យសុខាភិបាលនូវសុវត្ថិភាពអ្នកជំងឺក្នុងពេលខិតខំអនុវត្តន៌ការផ្តល់សេវាសុខភាពជាសាកល
– បន្តគាំទ្រអនុវត្តន៌នូវការផ្លាស់ប្តូរក្នុងប្រព័ន្ធនិងការប្រតិបត្តិធ្វើឲ្យបានល្អប្រសើរឡើងនូវសុវត្ថិភាពអ្នកជំងឺ ចូលរួមចំណែកក្នុងការសម្រេចបាននូវសុខភាពសាកលនិងគោលដៅអភិវឌ្ឍន៌ប្រកបដោយចេរភាព
– ពង្រឹងសមត្ថភាពក្នុងការដឹកនាំនិងគ្រប់គ្រងក្នុងការគាំទ្រមជ្ឍមណ្ឌលថែទាំអ្នកជំងឺ ពង្រឹងនិងអនុវត្តដំណើរការប្រព័ន្ធសុវត្ថិភាពអ្នកជំងឺ បង្កើតវប្បធ៌មសុវត្ថិភាព អប់រំបណ្តុះបណ្តាលបុគ្គលិកសុខាភិបាលនិងក្រុមគ្រួសារអ្នកជំងឺ លើផ្នែកសុវត្ថិភាពអ្នកជំងឺ កាត់បន្ថយហានិភ័យ និងចែករំលែកបទពិសោធន៌ល្អៗ ព្រមទាំងគំរូធ្វើបានជោគជ័យលើកិច្ចការនេះ
– សហការជាមួយអ្នកជំងឺនិងក្រុមគ្រួសារដែលមានផលប៉ះពាល់ អង្គការអន្តរជាតិនិងដៃគូនានា បង្កើននូវភាពច្បាស់លាស់ ធ្វើសកម្មភាពរួមគ្នាលើសុវត្ថិភាពអ្នកជំងឺថែមទាំងបង្កើតឲ្យមាន “ ទិវាសាកលលោកសុវត្ថិភាពអ្នកជំងឺប្រចាំឆ្នាំ” ដែលត្រូវប្រព្រឹត្តទៅនៅថ្ងៃទី១៧ ខែកញ្ញា ជារៀងរាល់ឆ្នាំ។

នៅថ្ងៃអាទិត្យ ១៥រោច ខែចេត្រ ឆ្នាំចរ សំរិទ្ធិស័ក ព.ស.២៥៦២ ត្រូវនឹងថ្ងៃទី១៥ ខែមេសា ឆ្នាំ២០១៨ គណ:ប្រតិភូក្រសួងសុខាភិបាលកម្ពុជា ដឹកនាំដោយឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល នឹងធ្វើដំណើរមាតុភូមិនិវត្តន៌ ហើយនឹងនាំមកនូវផលប្រយោជន៌ជាច្រើនលើកិច្ចសហប្រត្តិបត្តិការសម្រាប់ការអភិវឌ្ឍវិស័យសុខាភិបាលនៃព្រះរាជាណាចក្រកម្ពុជា។

ព័ត៌មានទទួលបានពីលោកជំទាវវេជ្ជបណ្ឌិត ឱ វណ្ណឌីន អគ្គនាយកបច្ចេកទេសសុខាភិបាល និងជាអ្នកនាំពាក្យក្រសួងសុខាភិបាលនៃព្រះរាជាណាចក្រកម្ពុជា។

30697880_1720119188027180_3393655576797345165_n30705372_1720119311360501_3532010112299918613_n30705612_1720119264693839_8710574591209139949_n30706591_1720119174693848_1557281539591657566_n30708727_1720119191360513_7107310640733756980_n30710003_1720119178027181_2986244303464951792_n30710046_1720119338027165_6517828422155661765_n

សន្និបាត​សុខាភិបាល​ខេត្តកំពង់ស្ពឺ​បាន​បិទ​បញ្ចប់​ដោយ​មាន​ការលើក​សរសើរ​ដល់​អង្គភាព​ដែលមាន​ស្នាដៃល្អ​​

សន្និបាត​សុខាភិបាល​ខេត្តកំពង់ស្ពឺ​បាន​បិទ​បញ្ចប់​ដោយ​មាន​ការលើក​សរសើរ​ដល់​អង្គភាព​ដែលមាន​ស្នាដៃល្អ​​

ថ្ងៃច័ន្ទ ៩រោច ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៩ ខែមេសា ឆ្នាំ២០១៨ មន្ទីរសុខាភិបាលខេត្តកំពង់ស្ពឺបានរៀបចំពិធីបិទសន្និបាតបូកសរុបលទ្ឋផលកាងារសុខាភិបាលឆ្នាំ២០១៧ និងលើកទិដៅបន្តឆ្នាំ២០១៨ក្រោមអធិបតីភាពលោកជំទាវសាស្ត្រាចារ្យ តាន់ វួចឆេង រដ្ឋលេខាធិការក្រសួងសុខាភិបាល ដោយមានការអញ្ជើញចូលរួមពីតំណាងគណអភិបាលខេត្ត ថ្នាក់ដឹកនាំ មន្ត្រីនិងបុគ្គលិកមន្ទីរសុខាភិបាលខេត្តកំពង់ស្ពឺ សរុបប្រមាណជាង១០០នាក់ ហើយនៅក្នុងពិធីនេះដែរ លោកជំទាវបានផ្តល់កិត្តយសចែកជូនប័ណ្ណសរសើរចំនួន២៤ លិខិតសរសើរចំនួន៥៧ និងរង្វាន់លើកទឹកចិត្តជាកុំព្យូទ័រនិងព្រីនធ័រចំនួន៥ឈុតជូនល់អង្គភាពចំនួន៥ដែលមានស្នាដៃល្អ ។

ព័ត៌មានទទួលបានពីមន្ទីរសុខាភិបាលខេត្តកំពង់ស្ពឺ។

30582411_1716730891699343_6215928295767687746_n30652326_1716730931699339_8781341818736991299_n30594961_1716730905032675_7922354283161257526_n30582362_1716730848366014_2523815535915863454_n30531119_1716730935032672_6596911496267923496_n

ពិធី​សម្ភោធ​ដាក់​ឲ្យ​ប្រើប្រាស់​ជា​ផ្លូវការ​នូវ​អាគារ​ពិនិត្យ​ព្យាបាល​ជំងឺ​និង​សម្ភព​រោគស្ត្រី​នៅ​មន្ទីរពេទ្យ​បង្អែក​ពោធិចិនតុង រាជធានី​ភ្នំពេញ

ពិធី​សម្ភោធ​ដាក់​ឲ្យ​ប្រើប្រាស់​ជា​ផ្លូវការ​នូវ​អាគារ​ពិនិត្យ​ព្យាបាល​ជំងឺ​និង​សម្ភព​រោគស្ត្រី​នៅ​មន្ទីរពេទ្យ​បង្អែក​ពោធិចិនតុង រាជធានី​ភ្នំពេញ

នាថ្ងៃអង្គារ ១០រោច ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១០ ខែមេសា ឆ្នាំ២០១៨ មន្ទីរសុខាភិបាលរាជធានីភ្នំពេញ បានប្រារព្ធពិធីសម្ភោធដាក់អោយប្រើប្រាស់ជាផ្លូវការនូវអាគារពិនិត្យព្យាបាលជំងឺនិងសម្ភពរោគស្ត្រី ដែលទើបនឹងបញ្ចប់ការសាងសង់ថ្មីនៅក្នុងបរិវេណមន្ទីរពេទ្យបង្អែកពោធិ៍ចិនតុង រាជធានីភ្នំពេញ ក្រោមអធិបតីភាពឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល ដោយមានការអញ្ជើញចូលរួមពីមន្ត្រីជាន់ខ្ពស់ក្រសួងសុខាភិបាល លោកឧកញ៉ា សៀ ឬទ្ធី និងសហការី ព្រមទាំងមន្ត្រីរាជការនៃមន្ទីរសុខាភិបាលរាជធានីភ្នំពេញ លោកគ្រូពេទ្យ-អ្នកគ្រូពេទ្យនៃមន្ទីរពេទ្យបង្អែកពោធិចិនតុង សរុបទាំងអស់ប្រហែលជា២១៥នាក់។

នៅក្នុងពិធីដ៏វិសេសសាលនេះ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល បានថ្លែងថា អាគារពិនិត្យព្យាបាលជំងឺដែលទើបតែបានសាងសង់ថ្មីនេះបានចាប់ផ្តើមសាងសង់ឡើង នៅថ្ងៃទី១៣ ខែកញ្ញា ឆ្នាំ២០១៧ និងបានបញ្ចប់រួចរាល់ជាស្ថាពរ នៅថ្ងៃទី ០៩ ខែ កុម្ភៈ ឆ្នាំ ២០១៨ ក្រោមការឧបត្ថម្ភថវិកាដ៏ថ្លៃថ្លារបស់លោក ឧកញ៉ា សៀ ឬទ្ធី និងលោកជំទាវ តាន់ តឹកគី ដែលអាគារនេះមានទំហំទទឺងដ១០ម៉ែត្រ បណ្តោយ២០ម៉ែត្រ និងមានកំពស់៣ជាន់។ នេះ គឺជាសមិទ្ធិផលថ្មីមួយទៀតរបស់មន្ទីរសុខាភិបាលរាជធានីភ្នំពេញក្នុងវិស័យសុខាភិបាលក្រោមការដឹកនាំដ៏ឈ្លាសវៃប្រកបដោយគតិបណ្ឌិតរបស់ សមេ្តចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ ឯកឧត្តមក៏បានថ្លែងអំណរគុណយ៉ាងជ្រាលជ្រៅជូនចំពោះលោកឧកញ៉ា សៀ ឬទ្ធី និងលោកជំទាវ តាន់ តឹកគី ដែលបានផ្តល់អំណោយសប្បុរសដ៏ថៃ្លថ្លានេះ ដើម្បីចូលរួមចំណែកក្នុងការអភិវឌ្ឈន៍វិស័យសុខាភិបាលស្របតាមតំរូវការរបស់ប្រជាជនកម្ពុជា ជាពិសេសប្រជាជននៅរាជធានីភ្នំពេញនេះតែម្តង ព្រមទាំងបានថ្លែងអំណរគុណ និងកោតសរសើរយ៉ាងជ្រាលជ្រៅចំពោះអាជ្ញាធរមូលដ្ឋានក្នុងរាជធានីភ្នំពេញ និងស្ថាប័នពាក់ព័ន្ធទាំងអស់ ដែលបានសហការ និងជួយសំរួលគ្រប់បែបយ៉ាង ដើម្បីសំរេចបាននូវសមិទ្ធិផលនេះប្រកបដោយជោគជ័យ។
ទន្ទឹមនឹងនេះ ឯកឧត្តមរដ្ឋមន្ត្រីក៏បានណែនាំផ្តាំផ្ញើចូលរួមកោតសរសើរដល់មន្រ្តីនិងបុគ្គលិកសុខាភិបាលទាំងអស់ដែលបានខិតខំបំពេញភារកិច្ចទទួលបានលទ្ធផលល្អប្រសើរ គោរពបានយ៉ាងខ្ជាប់ខ្ជួននូវក្រមសីលធម៌វិជ្ជាជីវៈពេទ្យ ហើយឯកឧត្តមបានសំណូមពរឱ្យមន្រ្តីសុខាភិបាលទាំងអស់ខិតខំបំពេញភារកិច្ចឲ្យបានល្អជាបន្តទៀត និងសូមជួយថែទាំអាគារថ្មីឲ្យស្អាតល្អ មានអនាម័យ សោភ័ណ្ឌភាព និងប្រើប្រាស់អោយបានគង់វង់ ស្ថិតស្ថេរយូរអងែ្វង ដើម្បីជាគុណប្រយោជន៏ដល់ប្រជាជនយើង។ គួរឲ្យកត់សម្គាល់ផងដែរថា ឯកឧត្តមរដ្ឋមន្ត្រីក្រសួងសុខាភិបាល បានអំពាវនាវនិងស្នើសុំលោកឧកញ៉ា បន្តជួយលើវិស័យសុខាភិបាលជាបន្តទៀត ដោយពិនិត្យលទ្ធភាពក្នុងការសាងសង់អាគារផ្សេងៗទៀតផងដែរ។

ព័ត៌មានទទួលបានពីមន្ទីរសុខាភិបាលរាជធានីភ្នំពេញ។

29872184_1715860588453040_4801411502290977425_o29872275_1715860298453069_8932313514606905809_o29873415_1715860205119745_2165542607277680307_o30051787_1715860651786367_3530482508693540579_o30052213_1715860191786413_5636701286089726563_o30072717_1715860201786412_6797937258006474367_o30073204_1715860605119705_7756100640189320603_o30595247_1715860315119734_3674930611035444558_n

ពិធីបិទ​សន្និបាត​សុខាភិបាល​ខេត្ត​ស្វាយរៀង​

ពិធីបិទ​សន្និបាត​សុខាភិបាល​ខេត្ត​ស្វាយរៀង​

នៅរសៀលថ្ងៃពុធ ០៤រោច ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី០៤ ខែមេសា ឆ្នាំ២០១៨ នៅមន្ទីរសុខាភិបាលខេត្តស្វាយរៀង បានរៀបចំពិធីបិទសន្និបាតបូកសរុបលទ្ធផលការងារសុខាភិបាល ឆ្នាំ២០១៧ និងលើកទិសដៅអនុវត្តឆ្នាំ២០១៨ ក្រោមអធិបតីភាពឯកឧត្តមសាស្ត្រាចារ្យ ធា គ្រុយ រដ្ឋលេខាធិការក្រសួងសុខាភិបាល ដោយមានការចូលរួមពីលោក
ប្រធានមន្ទីរសុខាភិបាលភិបាលខេត្តសមាជិកខេត្តត្បូងឃ្មុំ អនុប្រធានមន្ទីរសុខាភិបាលខេត្តតៃនីញ ប្រទេសវៀតណាម ប្រធាន អនុប្រធានមន្ទីរ ស្ថាប័ននានាក្នុងខេត្ត ព្រះរាជអាជ្ញារង អភិបាលរងក្រុងស្រុក ចៅសង្កាត់ទាំង៧ក្នុងក្រុងស្វាយរៀង អង្គការដៃគូ និងថ្នាក់ដឹកនាំ មន្ត្រីរាជការសុខាភិបាលគ្រប់ជាន់ថ្នាក់ សរុប ១៧០ នាក់ ។

មន្ទីរសុខាភិបាលខេត្តស្វាយរៀងបានធ្វើរបាយការណ៍បូកសរុបដំណើរការសន្និបាតរយ:ពេលមួយថ្ងៃពេញ ដែលមាន កម្មវិធីគាំពារមាតា ទារក និងកុមារ កម្មវិធីជំងឺឆ្លង កម្មវិធីជំងឺមិនឆ្លង កម្មវិធីពង្រឹងប្រព័ន្ធសុខាភិបាល ។

ឯកឧត្តម ធា គ្រុយ សម្តែងនូវការកោតសរសើរដល់មន្ទីរសុខាភិបាលខេត្តស្វាយរៀង ដែលបានអនុវត្តការងារយ៉ាងល្អ ជាពិសេស មរណ:ភាពមាតា មានតែម្នាក់គត់ក្នុងមួយឆ្នាំ២០១៧ នេះ ។ ឯកឧត្តម បានផ្តាំផ្ញើដល់មន្ត្រីសុខាភិបាលទាំងអស់ ត្រូវតែគោរពក្រមសីលធម៌វិជ្ជាជីវៈ ខិតខំកែលម្អគុណភាពសេវា ប្រចាំការ ២៤ម៉ោង មិនត្រូវធ្វេសប្រហែសធ្វើឱ្យមានគ្រោះថ្នាក់ដល់អាយុជីវិតអ្នកជំងឺ។ ខិតខំលុបបំបាត់ឱ្យអស់នូវសេវាសុខាភិបាលខុសច្បាប់ និង ពង្រឹងគណៈវិជ្ជាជីវៈ ។
ក្នុងឱកាសនោះដែរ ឯកឧត្តម បានប្រគល់រង្វាន់ដល់មន្ទីរពេទ្យ និងមណ្ឌលសុខភាពដែលមានស្នាដៃ ព្រមទាំងជូនអំណោយដល់ថ្នាក់ដឹកនាំដែលជានិវត្តជនចំនួន ១០ នាក់ផងដែរ ។
ចុងបញ្ចប់នៃសន្និបាត មន្ទីរសុខាភិបាលបានប្រារព្ធពិធីជប់លៀងអបអរសាទរពិធីបុណ្យចូលឆ្នាំថ្មីប្រពៃណីជាតិ ដែលនឹងមកដល់នាពេលខាងមុខឆាប់ៗនេះ ៕

ព័ត៌មានទទួលបានពីមន្ទីរសុខាភិបាលខេត្តស្វាយរៀង។
29792445_1711122685593497_8459670371738781683_n
29694736_1711122725593493_3204140303763466746_n

29791877_1711122712260161_6404873273459136035_n

​ពិ​ធី​បើក​សន្និបាត​បូក​សរុប​ការងារ​សុខា​ភិបាល​ខេត្តក្រចេះឆ្នាំ២០១៧

​ពិ​ធី​បើក​សន្និបាត​បូក​សរុប​ការងារ​សុខា​ភិបាល​ខេត្តក្រចេះឆ្នាំ២០១៧

កាលពីថ្ងៃអង្គារ ៣រោច ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៣ ខែមេសា ឆ្នាំ ២០១៨ មន្ទីរសុខាភិបាលខេត្តក្រចេះ បានប្រារពពិធីបើកសន្និបាតបូកសរុបការងារសុខាភិបាលខេត្តឆ្នាំ២០១៧ ក្រោមអធិបតីភាពឯកឧត្តម តែ គុយស៊ាង រដ្ធលេខាធិការក្រសួងសុខាភិបាល ដោយមានការអញ្ជើញចូលរួមពីសំណាក់អភិបាល អភិបាលរងក្រុង ស្រុក ប្រធាន អនុប្រធានមន្ទីរអង្គភាពជុំវិញខេត្ត ក្រុមប្រឹក្សាសង្កាត់ តំណាងដៃគូអភិវឌ្ឍ និងថ្នាក់ដឹកនាំ មន្ត្រីរាជការ បុគ្គលិកសុខាភិបាលទូទាំងខេត្តក្រចេះ សរុបចំនួន២៣២នាក់ ។
ក្នុងឱកាសនោះ គណ:អធិបតីក៏បានផ្តល់ប័ណ្ឌសរសើរជូនដល់មន្ត្រីសុខាភិបាលដែលបានខិតខំបំពេញការងារក្នុងឆ្នាំកន្លងមក ចំនួន ១៥០នាក់ផងដែរ។

ព័ត៌មានទទួលបានពីមន្ទីរសុខាភិបាលខេត្តក្រចេះ។

កិច្ច​ប្រជុំ​​ក្រុម​​ប្រឹក្សាភិបាល​​នៃ​​សាកលវិទ្យាល័យ​​វិទ្យាសាស្ត្រ​​សុខាភិបាល​​លើក​​ទី​​៥​៧

កិច្ច​ប្រជុំ​​ក្រុម​​ប្រឹក្សាភិបាល​​នៃ​​សាកលវិទ្យាល័យ​​វិទ្យាសាស្ត្រ​​សុខាភិបាល​​លើក​​ទី​​៥​៧

កិច្ចប្រជុំវិសាមញ្ញក្រុមប្រឹក្សាភិបាលនៃសាកលវិទ្យាល័យវិទ្យាសាស្ត្រសុខាភិបាល(ស.វ.ស) លើកទី៥៧ បានប្រព្រឹត្តទៅក្រោមអធិបតីភាពឯកឧត្តមវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានក្រុមប្រឹក្សាភិបាល ដោយមានការចូលរួមពីសមាជិកា-ជិកាក្រុមប្រឹក្សាភុិបាល និងថ្នាក់ដឹកនាំសាកលវិទ្យាល័យវិទ្យសាស្ត្រសុខាភិបាល។ កិច្ចប្រជុំនេះ បានពិភាគ្សាគ្នាលើចំនុចដូចខាងក្រោម:Read More

ការ​ពង្រឹង​សមត្ថភាព​​គ្រូពេទ្យ​ថែ​ទាំ​អ្នក​​​ជំងឺ​ផ្លូវ​​​ចិត្ត​​និង​ញៀន​គ្រឿងញៀន គឺជា​ការជំរុញ​ឲ្យ​មាន​ទំនាក់​ទំនង​ល្អ​រវាង​គ្រូពេទ្យ​និង​អតិថិជន

ការ​ពង្រឹង​សមត្ថភាព​​គ្រូពេទ្យ​ថែ​ទាំ​អ្នក​​​ជំងឺ​ផ្លូវ​​​ចិត្ត​​និង​ញៀន​គ្រឿងញៀន គឺជា​ការជំរុញ​ឲ្យ​មាន​ទំនាក់​ទំនង​ល្អ​រវាង​គ្រូពេទ្យ​និង​អតិថិជន

កាលពីថ្ងៃទី ២៧ ខែមិថុនា ឆ្នាំ ២០១៧ នាយកដ្ឋានសុខភាពផ្លូវចិត្ត និងការបំពានគ្រឿងញៀននៃក្រសួងសុខាភិបាល បានបើកសិក្ខាសាលាបណ្តុះបណ្តាលស្តីពីសុខភាពផ្លូវចិត្ត និងគ្រឿងញៀន ក្រោមអធិបតីភាពរបស់ លោកជំទាវវេជ្ជបណ្ឌិត ឱ វណ្ណឌីន អគ្គនាយកបច្ចេកទេសសុខាបាលនៃក្រសួងសុខាភិបាលនៅសណ្ឋាគារ ហេង រស្មី ខេត្តកំពត ដែលមានសិក្ខាកាមជាគិលានុបដ្ឋាក-យិកា ចំនួន ៤៣ នាក់ បានចូលរួម ក្នុងនោះមាន៖Read More

ការពង្រឹង​សមត្ថភាព​គ្រូពេទ្យ​ជា​កត្តា​ជម្រុញ​ឲ្យ​ការផ្តល់​សេវា​ពិនិត្យ​និង​ព្យាបាល​ជំងឺ​កាន់​តែ​ល្អ​ប្រសើរ​នៅ​មន្ទីរពេទ្យ​កាល់ម៉ែត្រ

ការពង្រឹង​សមត្ថភាព​គ្រូពេទ្យ​ជា​កត្តា​ជម្រុញ​ឲ្យ​ការផ្តល់​សេវា​ពិនិត្យ​និង​ព្យាបាល​ជំងឺ​កាន់​តែ​ល្អ​ប្រសើរ​នៅ​មន្ទីរពេទ្យ​កាល់ម៉ែត្រ

ការយកចិត្តទុកដាក់ក្នុងការពង្រឹងសមត្ថភាពគ្រូពេទ្យ គឺជម្រុញឲ្យការផ្តល់សេវាពិនិត្យនិងព្យាបាលជំងឺកាន់តែបានល្អប្រសើរឡើងនៅមន្ទីរពេទ្យកាល់ម៉ែត្រសម្រាប់បម្រើប្រជាជនទូទៅ។ នេះជាប្រសាសន៌របស់ឯកឧត្តមរដ្ឋមន្ត្រីក្រសួងសុខាភិបាល ម៉ម ប៊ុនហេង ថ្លែងក្នុងពិធីបើកទិវាវេជ្ជសាស្ត្រ-សល្យសាស្ត្រ ដែលបានប្រព្រឹត្តទៅនៅព្រឹកថ្ងៃព្រហស្បត៌ទី១៨ ខែឧសភា ឆ្នាំ២០១៧ នៅមន្ទីរពេទ្យកាល់ម៉ែត ដោយមានការសហការយ៉ាងជិតស្និទ្ធិ រវាងគណៈកម្មាធិការទិវាវេជ្ជសាស្ត្រ-សល្យសាស្ត្រ និងមន្ទីរពេទ្យ។Read More

ការជួយ​សង្គ្រោះ​ស្ត្រី​សម្រាល​កូន​ដល់​ផ្ទះ​ដោយ​បុគ្គលិក​ពេទ្យ​នៅ​មណ្ឌលសុខភាព​កោះ​កេរ្តិ​ខេត្ត​ព្រះវិហារ​

ការជួយ​សង្គ្រោះ​ស្ត្រី​សម្រាល​កូន​ដល់​ផ្ទះ​ដោយ​បុគ្គលិក​ពេទ្យ​នៅ​មណ្ឌលសុខភាព​កោះ​កេរ្តិ​ខេត្ត​ព្រះវិហារ​

ការជួយសង្គ្រោះស្ត្រីសម្រាលកូនដល់ផ្ទះដោយបុគ្គលិកពេទ្យនៅមណ្ឌលសុខភាពកោះកេរ្តិខេត្តព្រះវិហារ ៖Read More