ការ​ពង្រឹង​សមត្ថភាព​​គ្រូពេទ្យ​ថែ​ទាំ​អ្នក​​​ជំងឺ​ផ្លូវ​​​ចិត្ត​​និង​ញៀន​គ្រឿងញៀន គឺជា​ការជំរុញ​ឲ្យ​មាន​ទំនាក់​ទំនង​ល្អ​រវាង​គ្រូពេទ្យ​និង​អតិថិជន

ការ​ពង្រឹង​សមត្ថភាព​​គ្រូពេទ្យ​ថែ​ទាំ​អ្នក​​​ជំងឺ​ផ្លូវ​​​ចិត្ត​​និង​ញៀន​គ្រឿងញៀន គឺជា​ការជំរុញ​ឲ្យ​មាន​ទំនាក់​ទំនង​ល្អ​រវាង​គ្រូពេទ្យ​និង​អតិថិជន

កាលពីថ្ងៃទី ២៧ ខែមិថុនា ឆ្នាំ ២០១៧ នាយកដ្ឋានសុខភាពផ្លូវចិត្ត និងការបំពានគ្រឿងញៀននៃក្រសួងសុខាភិបាល បានបើកសិក្ខាសាលាបណ្តុះបណ្តាលស្តីពីសុខភាពផ្លូវចិត្ត និងគ្រឿងញៀន ក្រោមអធិបតីភាពរបស់ លោកជំទាវវេជ្ជបណ្ឌិត ឱ វណ្ណឌីន អគ្គនាយកបច្ចេកទេសសុខាបាលនៃក្រសួងសុខាភិបាលនៅសណ្ឋាគារ ហេង រស្មី ខេត្តកំពត ដែលមានសិក្ខាកាមជាគិលានុបដ្ឋាក-យិកា ចំនួន ៤៣ នាក់ បានចូលរួម ក្នុងនោះមាន៖Read More

ការពង្រឹង​​សមត្ថភាព​​គ្រូពេទ្យ​​ជា​​កត្តា​​ជម្រុញ​​ឲ្យ​​ការផ្តល់​​សេវា​​ពិនិត្យ​​និង​​ព្យាបាល​​ជំងឺ​​កាន់​​តែ​​ល្អ​​ប្រសើរ​​​​​នៅ​​​មន្ទីរពេទ្យ​​​​កាល់ម៉ែត្រ

ការពង្រឹង​​សមត្ថភាព​​គ្រូពេទ្យ​​ជា​​កត្តា​​ជម្រុញ​​ឲ្យ​​ការផ្តល់​​សេវា​​ពិនិត្យ​​និង​​ព្យាបាល​​ជំងឺ​​កាន់​​តែ​​ល្អ​​ប្រសើរ​​​​​នៅ​​​មន្ទីរពេទ្យ​​​​កាល់ម៉ែត្រ

ការយកចិត្តទុកដាក់ក្នុងការពង្រឹងសមត្ថភាពគ្រូពេទ្យ គឺជម្រុញឲ្យការផ្តល់សេវាពិនិត្យនិងព្យាបាលជំងឺកាន់តែបានល្អប្រសើរឡើងនៅមន្ទីរពេទ្យកាល់ម៉ែត្រសម្រាប់បម្រើប្រជាជនទូទៅ។ នេះជាប្រសាសន៌របស់ឯកឧត្តមរដ្ឋមន្ត្រីក្រសួងសុខាភិបាល ម៉ម ប៊ុនហេង ថ្លែងក្នុងពិធីបើកទិវាវេជ្ជសាស្ត្រ-សល្យសាស្ត្រ ដែលបានប្រព្រឹត្តទៅនៅព្រឹកថ្ងៃព្រហស្បត៌ទី១៨ ខែឧសភា ឆ្នាំ២០១៧ នៅមន្ទីរពេទ្យកាល់ម៉ែត ដោយមានការសហការយ៉ាងជិតស្និទ្ធិ រវាងគណៈកម្មាធិការទិវាវេជ្ជសាស្ត្រ-សល្យសាស្ត្រ និងមន្ទីរពេទ្យ។

ឯកឧត្តមរដ្ឋមន្ត្រីបានបន្ថែមទៀតថា ទិវានេះត្រូវបានប្រារព្ធធ្វើឡើងក្នុងគោលបំណង បញ្ជាក់ឲ្យឃើញនូវសាមគ្គីភាពយ៉ាងស្អិតរមួតរវាងបណ្តាអ្នកឯកទេសតាមជំនាញដើម្បីបង្ហាញនូវប្រធាន បទជាច្រើន និងពិភាក្សាដកយកបទពិសោធន៍ពីគ្នាទៅវិញទៅមក លើដំណើរជឿនលឿនតាមបច្ចេកទេសវេជ្ជសាស្ត្រ-សល្យសាស្ត្រ ក្នុងការពិនិត្យ និងព្យាបាលជំងឺទាន់បច្ចុប្បន្នភាព និងជំរុញឲ្យឈានទៅរកការអភិវឌ្ឍកាន់តែប្រសើរឡើងថែមទៀត។

លើសពីនេះប្រធានបទដែលនឹងបង្ហាញជូនក្នុងទិវានេះ ជាចំណេះដឹងល្អថ្មីៗជាទុនដ៏ប្រសើរបន្ថែម សម្រាប់សហភាតរៈទាំងអស់ទទួលបាននូវបច្ចេកវិជ្ជាកាន់តែខ្ពស់ឆ្លើយតបទៅនឹងការរីកចម្រើនសម្រាប់ពេលបច្ចុប្បន្ន និងទៅអនាគតលើវិស័យវេជ្ជសាស្ត្រ។

ព័ត៌មានទទួលបានពីមន្ទីរពេទ្យកាល់ម៉ែត្រ។

Slider Photo Template18486235_1388335084538927_4772202583656525119_n

18485868_1388335251205577_5888808507838989673_n

ការជួយ​សង្គ្រោះ​ស្ត្រី​សម្រាល​កូន​ដល់​ផ្ទះ​ដោយ​បុគ្គលិក​ពេទ្យ​នៅ​មណ្ឌលសុខភាព​កោះ​កេរ្តិ​ខេត្ត​ព្រះវិហារ​

ការជួយ​សង្គ្រោះ​ស្ត្រី​សម្រាល​កូន​ដល់​ផ្ទះ​ដោយ​បុគ្គលិក​ពេទ្យ​នៅ​មណ្ឌលសុខភាព​កោះ​កេរ្តិ​ខេត្ត​ព្រះវិហារ​

ការជួយសង្គ្រោះស្ត្រីសម្រាលកូនដល់ផ្ទះដោយបុគ្គលិកពេទ្យនៅមណ្ឌលសុខភាពកោះកេរ្តិខេត្តព្រះវិហារ ៖

នៅថ្ងៃទី ២៤ ខែឧសភា ឆ្នាំ ២០១៧ វេលាម៉េាង ១០ និង ១៥នាទីព្រឹក ស្រ្តីឈ្មោះ ខន សន អាយុ ៣៦ ឆ្នាំរស់នៅភូមិស្រយ៉ងជេីង ឃុំស្រយ៉ង ស្រុកគូលែន ខេត្តព្រះវិហារ ឈឺពោះសំរាលកូន ប៉ុន្តែមិនអាចមកមណ្ឌលសុខភាពបាន ដេាយសារគ្មានអ្នកជូនគាត់មក ប្តីរបស់គាត់ស្រវឹងស្រា ដូចនេះកូនស្រីរបស់គាត់អាយុ ប្រហែល ៥ឆ្នាំបានមកប្រាប់ពេទ្យនៅមណ្ឌលសុខភាព កោះកេរ ដេាយយំផង ឃេីញដូចនោះ លេាកស្រី ពិន ចាន់ថុល ប្រធានមណ្ឌលសុខភាពដែលជាឆ្មបផងនោះ បានទៅជួយស្រ្តីដល់ផ្ទះ។ ក្រេាយពីសម្រាលកូន និងទំលាក់សុករួច លេាកស្រីបានដឹកយកស្រ្តីនោះមកមណ្ឌលសុខភាពដេីម្បីថែទាំគាត់ក្រេាយសំរាលបន្ត ឥឡូវនេះស្រី្តសំរាលកូននោះមានសុខភាពល្អធម្មតា។

ពត៌មានទទួលបានពីមន្ទីរសុខាភិបាលខេត្តព្រះវិហារ

Slider Photo Template18622342_1393572674015168_6110807194051293343_n18698282_1393572677348501_6042968194018102498_n

ទិវាអភិវឌ្ឍវិជ្ជាជីវៈវេជ្ជសាស្ត្រ​បន្តលើកទី៩នៅ​​ខេត្ត​​បាត់ដំបង

ទិវាអភិវឌ្ឍវិជ្ជាជីវៈវេជ្ជសាស្ត្រ​បន្តលើកទី៩នៅ​​ខេត្ត​​បាត់ដំបង

នៅព្រឹកថ្ងៃ២៦ ខែឧសភា ឆ្នាំ២០១៧ មន្ទីរសុខាភិបាលខេត្តបាត់ដំបង បានរៀបចំទិវាអភិវឌ្ឍវិជ្ជាជីវៈវេជ្ជសាស្ត្របន្តលើកទី៩ ក្រោមអធិបតីភាពឯកឧត្តមសាស្ត្រចារ្យ ធា គ្រុយ រដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាគណៈគ្រូពេទ្យជាតិ ដោយមានការចូលរួមពីលោកសាស្ត្រាចារ្យ លោកវេជ្ជបណ្ឌិតលោកគ្រូពេទ្យ អ្នកគ្រូពេទ្យចំនួន២៨០នាក់ មកពីខេត្តចំនួន៧ គឺខេត្តបាត់ដំបង កំពង់ឆ្នាំង ពោធិសាត់ ប៉ៃលិន បន្ទាយមានជ័យ សៀមរាប និងឧត្តរមានជ័យ។

Slider Photo Template

ការលើកកម្ពស់សេចក្តីថ្លៃថ្នូរវិជ្ជាជីវៈសុខាភិបាល ការប្រាស្រ័យទាក់ទងល្អរវាងគ្រូពេទ្យ និងអ្នកជំងឹ ការត្រៀមបង្ការ ក៏ដូចជាការដោះស្រាយបញ្ហាចំពោះមុខពេលកំពុងប្រកបវិជ្ជាជីវៈប្រចាំថ្ងៃ គឺត្រូវតែបន្តយកចិត្តទុកដាក់ និងអនុវត្តឲ្យបានល្អ ដែលជាការលើកឡើងនៅក្នុងឱកាសដ៏វិសេស វិសាលនេះ របស់ឯកឧត្តមរដ្ឋលេខាធិការក្រសួងសុខាភិបាល ធា គ្រុយ ហើយឯកឧត្តមបានបន្ថែមទៀតថា ទិវានេះ ពិតជាមានសារៈសំខាន់ខ្លាំងណាស់ក្នុងការអភិវឌ្ឍសមត្ថភាពចំណេះដឹង និងផ្លាស់ប្តូរបទពិសោធន៍ពីគ្នាទៅវិញទៅមក ហើយឯកឧត្តមបានផ្តាំផ្ញេីរឱ្យគ្រូពេទ្យទាំងអស់ខិតខំបំពេញការងារផ្តល់សេវាជូនប្រជាពលរដ្ឋឱ្យបានល្អ គោរពឱ្យបានខ្ជាប់ខ្ជួននូវក្រមសីលធម៍វិជ្ជាជីវៈ និងសាមគ្គីល្អនៃសហភាតរៈ។

ឯកឧត្តមក៏បានមានប្រសាសន៍សង្កត់បន្ថែមនូវខ្លឹមសារដែលលោកប្រធានមន្ទីរបានលើកឡើង និងបានណែនាំឱ្យលោកគ្រូពេទ្យទាំងអស់ យកចិត្តទុកដាក់ពិនិត្យព្យាបាលឱ្យបានត្រឹមត្រូវតាមច្ចេកទេសវេជ្ជសាស្ត្រ និងសរសេរ observation ឱ្យបានត្រឹមត្រូវផងដែរ ជាពិសេសការចេញវេជ្ជបញ្ជារដោយប្រើកុំព្យូទ័រ។

ជាទីបញ្ជប់ឯកឧត្តមបានលើកសរសើរមន្ទីរសុខាភិបាលខេត្ត គណៈវិជ្ជាជីវៈ និងគ្រូពេទ្យទាំងអស់ដែលបានអនុវត្តការងារល្អនាពេលកន្លងមក។

ព័ត៌មានទទួលបានពីមន្ទីរសុខាភិបាលខេត្តបាត់ដំបង។

18664319_1396470840392018_758841819997476987_n 18671224_1396470780392024_4975495954809280354_n 18739911_1396470773725358_6979576558975736180_n

ក្រុម​គ្រូពេទ្យ​ស្ម័គ្រ​ចិត្ត ចុះ​ពិនិត្យ​និង​ព្យាបាល​ជំងឺ​ជូន​ប្រជាពលរដ្ឋ​ដោយ​ឥត​គិត​ថ្លៃ

ក្រុម​គ្រូពេទ្យ​ស្ម័គ្រ​ចិត្ត ចុះ​ពិនិត្យ​និង​ព្យាបាល​ជំងឺ​ជូន​ប្រជាពលរដ្ឋ​ដោយ​ឥត​គិត​ថ្លៃ

 

នៅរសៀលថ្ងៃទី៥ ខែឧសភា ឆ្នាំ២០១៧ ក្រោមការចង្អុលបង្ហាញ និងទឹកចិត្តយកចិត្តទុកដាក់លើសុខទុក្ខ និងសុខភាពប្រជាជនទូទៅ របស់ឯកឧត្តមរដ្ឋមន្ត្រីក្រសួងសុខាភិបាល ម៉ម ប៊ុនហេង ក្រុមគ្រូពេទ្យមួយក្រុម បានស្ម័គ្រចិត្តចុះជួយពិនិត្យនិងព្យាបាលជំងឺជូន ប្រជាពលរដ្ឋនៅសង្កាត់ទឹកថ្លា ខណ្ឌសែនសុខ រាជធានីភ្នំពេញ ដោយឥតគិតថ្លៃ ដែលទីតាំងសម្រាប់ផ្តល់សេវាពិនិត្យនិងព្យាបាលជំងឺនេះ គឺស្ថិតនៅក្នុងបរិវេណមជ្ឍមណ្ឌលវ័តធ័រផាក (Waterpark)។ នៅក្នុងសកម្មភាពមនុស្សធ៌មដ៏ថ្លៃថ្លានេះ គេសង្កេតឃើញមានវត្តមាន លោកអភិបាលខណ្ឌសែនសុខ លោកចៅសង្កាត់ទឹកថ្លា មន្ត្រីសុខាភិបាលមួយចំនួន និងប្រជាជនជាច្រើនកុះករ បានអញ្ជើញចូលរួមផងដែរ។

សុខភាព គឺជាកត្តាចំបង និងត្រូវតែនាំគ្នាថែរក្សាឲ្យបានល្អ ចៀសវាងនូវជំងឺដង្កាត់ផ្សេងៗ ដោយអនុវត្តឲ្យបានខ្ជាប់ខ្ជួននូវអនាម័យ រស់នៅស្អាត ហូបស្អាត បរិស្ថានស្អាត មិនមានសំរាម ថ្លុកទឹកដក់ និងសំភារៈដែលមានទឹកដក់ និងព្រៃជុំវិញផ្ទះដែលជាជម្រកសត្វ មូសខ្លា ដែលជាភ្នាក់ងារបង្ករោគគ្រុនឈាម ជាពិសេសកុមារា កុមារី ចៅប្រុស ចៅស្រី របស់យើង។ ត្រូវចូលរួមទប់ស្កាត់ការប្រើប្រាស់គ្រឿងញៀន និងត្រូវមានការប្រុងប្រយ័ត្នខ្ពស់នៅពេលធ្វើដំណើរចៀសវាងនូវគ្រោះថ្នាក់ចរាចរ ដែលអត្រានៃការស្លាប់ដោយគ្រោះថ្នាក់ចរាចរខ្ពស់ជាងច្រើនណាស់ បើធៀបទៅនឹងអត្រាស្លាប់ដោយជំងឺគ្រុនចាញ់ ដែលក្នុងឆ្នាំ២០១៦កន្លងទៅនេះ អ្នកស្លាប់ដោយជំងឺគ្រុនចាញ់មានតែ១នាក់ប៉ុណ្ណោះ។ នេះ ជាប្រសាសន៍លើកឡើង របស់ឯកឧត្តមវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល ថ្លែងទៅកាន់ប្រជាពលរដ្ឋទាំងអស់ដែលបានមកទទួលសេវាសុខភាពដោយឥតគិតថ្លៃនាថ្ងៃនេះ។ បន្ថែមលើនេះ ឯកឧត្តមរដ្ឋមន្ត្រីក្រសួងសុខាភិបាល បានថ្លែងសង្កត់ធ្ងន់ថា ការយកចិត្តទុកដាក់របស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំដ៏ឆ្លាតវៀងវៃ វិស័យសុខាភិបាលមានការរីកចម្រើនជាលំដាប់ ហើយសុខភាព និងអាយុកាលនៃការរស់នៅជាមធ្យមរបស់បងប្អូនប្រជាពលរដ្ឋ គឺកាន់តែមានភាពល្អប្រសើរឡើង និងរស់នៅបានវែងជាងពេលមុនៗ។ មានសម្តេចតេជោ គឺមានការអភិវឌ្ឍន៍ប្រទេសរីកចម្រើន និងរក្សាបាននូវសុខសន្តិភាពពេញលេញ ដែលបងប្អូនអាចប្រកបរបររកស៊ីចិញ្ចឹមជីវិតបាន ធ្វើឲ្យសេដ្ឋកិច្ចសង្គម ក៏ដូចជាសេដ្ឋកិច្ចគ្រួសារមានកំណើនជាបន្តបន្ទាប់ ហើយអាចដើរលេងកំសាន្តបានគ្រប់ទីកន្លែង។ សូមបងប្អូនចូលរូមចំណែកថែរក្សាសុខសន្តិភាពឲ្យបានគង់វង់ ហើយគិតគូរពីការថែរក្សាសុខភាពផ្ទាល់ខ្លួន និងក្រុមគ្រួសារ ជាបន្តទៀត បើមានបញ្ហាសុខភាព ត្រូវទៅប្រើប្រាស់សេវាសុខភាពនៅតាមបណ្តាមូលដ្ឋានសុខាភិបាល សាធារណៈដែលនៅជិតៗលោកអ្នក និងត្រូវជួបពិនិត្យនិងព្យាបាលជំងឺ ជាមួយគ្រូពេទ្យដែលមានការបណ្តុះបណ្តាលត្រឹមត្រូវ។

អ្នកនាំពាក្យក្រសួងសុខាភិបាលនៃព្រះរាជាណាចក្រកម្ពុជា។

18237748_1375904925781943_5358451079412508759_o

18278258_1375906089115160_6654181855619230980_o18358638_1375905559115213_8467671443449083744_o