រាជធានីភ្នំពេញ៖ ព្រឹកថ្ងៃទី៨ ខែធ្នូ ឆ្នាំ២០២៥ ឯកឧត្តមឱសថការី ឈី ហុង រដ្ឋលេខាធិការក្រសួងសុខាភិបាល បានចូលរួមពិធីប្រកាស ដាក់ឱ្យប្រើប្រព័ន្ធតាមដានថវិកាឃុំ សង្កាត់ និងផ្សព្វផ្សាយសារាចរអន្តរក្រសួងស្តីពីការគ្រប់គ្រង ការចាត់ចែង និងការកំណត់មុខសញ្ញាចំណាយថវិកាសេវាសង្គម និងអនាម័យ បរិស្ថាន នៃមូលនិធិក្រុង ស្រុក និងមូលនិធិឃុំ សង្កាត់ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខាឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
ពិធីប្រកាសមានរបៀបវារ: ដូចខាងក្រោម៖
-បទបង្ហាញស្តីពីប្រព័ន្ធតាមដានថវិកាឃុំ សង្កាត់
-បទបង្ហាញស្តីពីសារាចរណែនាំ អន្តរក្រសួង ស្តីពីការគ្រប់គ្រង ការចាត់ចែង និងការកំណត់មុខសញ្ញាចំណាយថវិកាសេវាសង្គម និងអនាម័យបរិស្ថាន នៃមូលនិធិក្រុង ស្រុក និងមូលនិធិឃុំ សង្កាត់។
ក្នុងពិធីប្រកាសនេះ មានការចូលរួមពី ឯកឧត្តម លោកជំទាវ ជាថ្នាក់ដឹកនាំក្រសួង ស្ថាប័នពាក់ព័ន្ធ ឯកឧត្តម លោកជំទាវ អភិបាល អភិបាលរង រាជធានី-ខេត្ត មន្ត្រីមកពីនាយកដ្ឋាន មជ្ឈមណ្ឌលជាតិ ពាក់ព័ន្ធនានា របស់ក្រសួងសុខាភិបាល និងតំណាងអង្គការ UNICEF ប្រចាំប្រទេសកម្ពុជា។
