June 11, 2026
ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានអញ្ជើញចូលរួមក្នុងពិធីក្នុងទិវានៃប្រទេសរុស្ស៊ី (Russia National Day) ក្រោមអធិបតីភាព ឯកឧត្តមបណ្ឌិត លី ធុជ ទេសរដ្ឋមន្ត្រី តំណាងឱ្យរាជរដ្ឋាភិបាលកម្ពុជា អនុប្រធានទី១ អាជ្ញាធរមីន។
ក្នុងឱកាសនោះ ឯកឧត្តមបណ្ឌិត លី ធុជ តាងនាមឱ្យរាជរដ្ឋាភិបាលកម្ពុជា បានសម្តែងសេចក្តីសាទរជូនចំពោះប្រទេសនិងប្រជាជនរុស្សី ក្នុងឱកាសនៃទិវានៃប្រទេសរុស្ស៊ី និងបានគូសបញ្ជាក់ថា ឆ្នាំនេះជាគម្រប់ខួប៧០ឆ្នាំដែលទ្វារនៃចំណងការទូតរវាងកម្ពុជានិងរុស្ស៊ីបានបើកឡើង ហើយទ្វារនេះមិនដែលបានបិទម្តងណាឡើយក្នុងរយៈពេលប្រាំពីរទសវត្សរ៍នេះ។
តាមរយៈចំណងមិត្តភាពនេះ រុស្ស៊ីបានចូលរួមសំខាន់ក្នុងកសាងធនធានមនុស្សនៅកម្ពុជា ពោល និស្សិតប្រមាណប្រាំបីពាន់នាក់បានទៅបន្តការសិក្សានៅរុស្ស៊ី និងបានត្រលប់មកវិញ ហើយដើរតួសំខាន់ក្នុងការអភិវឌ្ឍសេដ្ឋកិច្ច-សង្គម។
រាជធានីភ្នំពេញ៖ ថ្ងៃទី១១ ខែមិថុនា ឆ្នាំ២០២៦
