លោកជំទាវសាស្រ្តាចារ្យ អុឹម សិទ្ធិការ្យ រដ្ឋលេខាធិការក្រសួងសុខាភិបាល តំណាងឱ្យក្រសួងសុខាភិបាល បានអញ្ជើញសួរសុខទុក្ខ និងសំណេះសំណាល លោកស្រីប្រធានមណ្ឌលសុខភាពមិត្តភាពកម្ពុជា កូរ៉េឈើទាល ខេត្តស្វាយរៀង ក្នុងឱកាសសម្រាលសម្រាកនៅមន្ទីរពេទ្យកាល់ម៉ែត។

July 14, 2026

នារសៀលថ្ងៃចន្ទ ទី១៣ ខែកក្កដា ឆ្នាំ២០២៦ ក្នុងនាមក្រុមគ្រួសារសុខាភិបាល លោកជំទាវសាស្រ្តាចារ្យ អុឹម សិទ្ធិការ្យ រដ្ឋលេខាធិការក្រសួងសុខាភិបាល តំណាងឱ្យក្រសួងសុខាភិបាល បានអញ្ជើញសួរសុខទុក្ខ និងសំណេះសំណាល លោកស្រីប្រធានមណ្ឌលសុខភាពមិត្តភាពកម្ពុជា កូរ៉េឈើទាល ខេត្តស្វាយរៀង ក្នុងឱកាសសម្រាលសម្រាកនៅមន្ទីរពេទ្យកាល់ម៉ែត។ លោកស្រីប្រធានមណ្ឌលសុខភាព បានខិតខំប្រឹងប្រែងក្នុងការបម្រេីសេវាសុខភាពជូនប្រជាពលរដ្ឋ និងអភិវឌ្ឍអង្គភាពរបស់ខ្លួនរហូតបានក្លាយជាមណ្ឌលសុខភាពជ័យលាភីគំរូ ទូទាំងប្រទេស សម្រាប់ឆ្នាំ២០២៥ ដែលនឹងត្រូវប្រកាសជ័យលាភីនៅព្រឹកថ្ងៃទី១៤ ខែកក្កដា ឆ្នាំ២០២៦នេះ។