ថ្ងៃទី ១២ ខែ មិថុនា ឆ្នាំ ២០២៦
ខេត្តតាកែវ៖ នៅព្រឹកថ្ងៃពុធ ទី១០ ខែមិថុនា ឆ្នាំ២០២៦ ឯកឧត្ដមវេជ្ជបណ្ឌិត ពាស់ មូស្លីម អនុរដ្ឋលេខាធិការក្រសួងសុខាភិបាល និងជាសមាជិក គ.ប.ផ.ក. បានចូលរូមជាមួយគណ:ប្រតិភូ គ.ប.ផ.ក. ដឹកនាំដោយ ឯកឧត្តម នៅ លក្ខណា រដ្ឋលេខាធិការក្រសួងមហាផ្ទៃ និងជាប្រធានគ.ប.ផ.ក. ក្នុងកិច្ចប្រជុំពិភាក្សាការងារជាមួយ ឯកឧត្ដម វុី សំណាង អភិបាល នៃគណៈអភិបាលខេត្តតាកែវ ដេីម្បីកិច្ចសហការលើការងារប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម។
កិច្ចពិភាគ្សានេះ ក៏មានមានការអញ្ជេីញចូលរួមពី ឯកឧត្តម លោកជំទាវ ដែលជាតំណាងអនុប្រធាន សមាជិក គ.ប.ផ.ក. ឯកឧត្តម លោកជំទាវ លោក លោកស្រី ប្រធានមន្ទីរអង្គភាពពាក់ព័ន្ធ ស្នងការនគរបាលខេត្ត ស្នងការរាជអាវុធហត្ថខេត្ត ថ្នាក់ដឹកនាំលេខាធិការដ្ឋាន គ.ប.ផ.ក. និងមន្ត្រីពាក់ព័ន្ធសរុបចំនួន ៣៧រូប។
