រាជធានីភ្នំពេញ៖ នាព្រឹកថ្ងៃសុក្រ ៧កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១ ខែសីហា ឆ្នាំ២០២៥ នៅទីស្តីការក្រសួងសុខាភិបាល លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជានាយកគម្រោងលើកកម្ពស់គុណភាព និងសមធម៌សុខាភិបាល ដំណាក់កាលទី២ (H-EQIP 2) បានដឹកនាំកិច្ចប្រជុំ ស្តីពីការពិនិត្យទៅលើសេចក្តីព្រាងផែនការថវិកាឆ្នាំ២០២៦ (AWPB 2026) នៃគម្រោង H-EQIP 2 ។
គោលបំណង នៃកិច្ចប្រជុំ៖
១) ពិនិត្យ និងកំណត់អាទិភាពសកម្មភាពអនុវត្តឆ្នាំទី៤ សម្រាប់ថវិកាឆ្នាំ២០២៦ នៃគម្រោង H-EQIP 2 ដែលគ្របដណ្តប់កម្មវិធីសំខាន់ៗ៖ មូលនិធិសមធម៌សុខាភិបាល ពង្រឹងគុណភាពនៃការផ្តល់សេវាសុខាភិបាល ការពង្រឹងសមត្ថភាពលើសមភាពយេនឌ័រ និងបរិយាបន្នសង្គម ការតាមដាន និងវាយតម្លៃ និងការឆ្លើយតបនឹងគ្រោះមហន្តរាយ និងជំងឺឆ្លង។
២) កំណត់ពេលវេលារៀបចំសម្រេចចុងក្រោយ នៃផែនការថវិកាប្រចាំឆ្នាំ២០២៦។
៣) ទិសដៅការងារបន្ត ដើម្បីជំរុញការរៀបចំផែនការថវិកានេះ កាន់តែមានប្រសិទ្ធភាព និងទាន់ពេលវេលាកំណត់។
កិច្ចប្រជុំនេះ មានការអញ្ជើញចូលរួមដោយ ឯកឧត្តមវេជ្ជ. ស៊ុង វិនតៈ រដ្ឋលេខាធិការ ឯកឧត្តមវេជ្ជ. យូ ពិសី អនុរដ្ឋលេខាធិការ លោក លោកស្រី អគ្គនាយករង តំណាងនាយកដ្ឋាននិងអង្គភាព ពាក់ព័ន្ធ តំណាងធនាគារពិភពលោក និងដៃអភិវឌ្ឍន៍ (GFF, KOICA, DFAT) នៃគម្រោង H-EQIP 2 ។
