កិច្ចប្រជំសាមញ្ញលើកទី៣ នៃគណៈកម្មាធិការជាតិការពារអ្នកប្រើប្រាស់
ថ្ងៃទី ១១ ខែ វិច្ឆិកា ឆ្នាំ ២០១១
ថ្ងៃអង្គារ៩កើតខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែសីហា ឆ្នាំ២០២៤ វេលាម៉ោង ២រសៀល ដោយមានការអនុញ្ញាតពីឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ឯកឧត្តមសាស្ត្រាចារ្យ ឡឺម តារា រដ្ឋលេខាធិការ និង ជាសមាជិកគណៈកម្មាធិការជាតិការពារអ្នកប្រើប្រាស់ (គ.ជ.ក.ប) បានអញ្ជើញចូលរួមប្រជុំសាមញ្ញលើកទី៣នៃឆ្នាំ២០២៤របស់ គ.ជ.ក.បដឹកនាំដោយលោកជំទាវ ចម និមល រដ្ឋមន្ត្រីក្រសួងពានិជ្ជកម្ម និងជាប្រធាន គ.ជ.ក.ប ដោយមានវត្តមានឯកឧត្តម លោកជំទាវ អនុប្រធានអចិន្ត្រយ័ អនុប្រធាន និងសមាជិកតំណាងអោយក្រសួងពាក់ពន័្ធនានារបស់រាជរដ្ឋាភិបាល។
បន្ទាប់ពីមតិស្វាគមន៍ និងបើកអង្គប្រជុំរបស់លោកជំទាវប្រធាន អង្គប្រជុំបានស្តាប់នូវរបាយការណ៍វឌ្ឍនៈភាពការងារនាពេលកន្លងមក និងគំរោងបន្តដើម្បីអនុវត្តការងារអោយកាន់តែមានប្រសិទ្ធភាព ការពារបាននូវសិទ្ធអ្នកប្រើប្រាស់ ពីការអនុវត្តន៍មិនសុច្ចរិតរបស់បុគ្គលឬក្រុមអ្នកលក់ ឬបំរើសេវានានា។ អង្គប្រជុំក៏បានពិភាក្សាពីបទបញ្ជាផ្ទៃក្នុងរបស់គណៈកម្មាធិការជាតិការពារអ្នកប្រើប្រាស់ និងបញ្ហាប្រឈមនានាផងដែរ។
