រាជធានីភ្នំពេញ៖ ព្រឹកថ្ងៃពុធ ទី៣ ខែកញ្ញា ឆ្នាំ២០២៥ ដោយភាពចាំបាច់ក្នុងការតាមដានវឌ្ឍនភាពការងារ និងការត្រៀមលក្ខណ:ប្រជុំជាមួយខេត្តទាំង១៣ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានក្រុមការងារបច្ចេកទេសសេវាសុខភាពបឋមកម្រិតមណ្ឌលសុខភាព ក្នុងខេត្តចំនួន ១៣ បានដឹកនាំកិច្ចប្រជុំថ្នាក់ដឹកនាំក្រុមការងារបច្ចេកទេសសេវាសុខភាពបឋមនៅកម្រិតមណ្ឌលសុខភាព។
កិច្ចប្រជុំ បានពិភាក្សាលើចំណុចសំខាន់មួយចំនួនដូចខាងក្រោម៖
1) ការពង្រឹងការងារ ជាអាទិភាពសម្រាប់ខែកញ្ញា-ធ្នូ ឆ្នាំ២០២៥ របស់ខេត្តទាំង១៣
2) ការរៀបចំទម្រង់របាយការណ៍វឌ្ឍនភាព ៩ខែដេីមឆ្នាំ២០២៥ និងការត្រៀមលក្ខណ:រៀបចំប្រជុំជាមួយ ខេត្តទាំង ១៣ សម្រាប់ការរាយការណ៍របស់ខេត្ត
3) ពិភាក្សាលើការងារត្រៀមធ្វេីផែនការឆ្នាំ ២០២៦ និងកិច្ចការពាក់ព័ន្ធផ្សេងៗទៀត។
កិច្ចប្រជុំនេះ មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ និងអនុរដ្ឋលេខាធិការ ដែលជាថ្នាក់ដឹកនាំនៃក្រុមការងារបច្ចេកទេសសេវាសុខភាពបឋមនៅកម្រិតមណ្ឌលសុខភាពក្នុងខេត្តទាំង១៣។
