ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល អញ្ជើញចូលរួមអម ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី តំណាងដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ទទួលជួបពិភាក្សាការងារ ជាមួយ ឯកឧត្តម Leung Chun Ying អគ្គនាយកមូលនិធិ GX Foundation និងជាអនុប្រធានគណៈកម្មាធិការជាតិ នៃសន្និសីទពិគ្រោះយោបល់នយោបាយប្រជាជនចិន ក្នុងឱកាសមកបំពេញទស្សនកិច្ចនៅព្រះរាជាណាចក្រកម្ពុជា ចាប់ពីថ្ងៃទី១៤ ដល់ថ្ងៃទី១៦ ខែកញ្ញា ឆ្នាំ២០២៥។
ក្នុងឱកាសនោះដែរ ឯកឧត្តមសន្តិបណ្ឌិតឧបនាយករដ្ឋមន្រ្តី បានបំពាក់គ្រឿងឥស្សរិយយសមេដាយ ជូនថ្នាក់ដឹកនាំ និងក្រុមការងារ នៃមូលនិធិ GX Foundation ដើម្បីជាការលើកទឹកចិត្ត និងការខិតខំប្រឹងប្រែងអនុវត្តគម្រោងលុបបំបាត់ពិការភ្នែក វះកាត់ជំងឺភ្នែកឡើងបាយ ជូនប្រជាជនកម្ពុជា និងគម្រោងគ្រប់គ្រងជំងឺគ្រុនឈាម និងសកម្មភាពការពិនិត្យសុខភាពដល់អ្នកជំងឺជាច្រើន នៅខេត្តព្រៃវែង និងខេត្តកំពង់ស្ពឺ ចាប់ពីខែវិច្ឆិកា ឆ្នាំ២០២២ ដល់បច្ចុប្បន្ន។
រាជធានីភ្នំពេញ៖ នៅទីស្តីការគណៈរដ្ឋមន្រ្តី ព្រឹកថ្ងៃចន្ទ ទី១៥ ខែកញ្ញា ឆ្នាំ២០២៥
