សាធារណៈរដ្ឋប្រជាមានិតចិន៖ ពីថ្ងៃទី១៤ ដល់ថ្ងៃទី១៨ ខែកញ្ញា ឆ្នាំ២០២ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ ក្រសួងសុខាភិបាល បានដឹកនាំគណៈប្រតិភូក្រសួងសុខាភិបាល អញ្ជេីញទៅចូលរួមកិច្ចប្រជុំអាស៊ាន-ចិនលើកទី៥ លើកិច្ចសហប្រតិបត្តិការសុខាភិបាល សំដៅឆ្ពោះទៅផ្លូវសូត្រសុខភាព ដែលប្រព្រឹត្តទៅនៅទីក្រុងណាននីង និងទីក្រុងហ្វាងឆឹងហ្គាង នៃខេត្តខ្វាងស៊ី សាធារណរដ្ឋប្រជាមានិតចិន។
ក្នុងកិច្ចប្រជុំ ដែលមានជាវេទិកាធំ និងវេទិការង លោកជំទាវរដ្ឋលេខាធិការ បានថ្លែងនូវសន្ទរកថា ក្នុងពេលបើកវេទិការធំ និងវេទិការរងចំនួន២ រួមមាន ៖
១) វេទិកាធំ ប្រព្រឹត្តទៅនៅថ្ងៃទី១៦ ខែកញ្ញា ឆ្នាំ២០២៥ គឺជាវេទិកាដែលមានប្រធានបទស្តីពីសុខភាព សម្រាប់ការអភិវឌ្ឍរួម ក្នុងយុគសម័យនៃឌីជីថល
២) វេទិការរងទី១ ប្រព្រឹត្តទៅនៅថ្ងៃទី១៥ ខែកញ្ញា ឆ្នាំ២០២៥ នៅក្នុងប្រធានបទស្តីពីការទំនាក់ទំនង និងសហប្រតិបត្តិការចិន-អាស៊ាន លើសុខភាពមាតា និងទារក និង
៣) វេទិការរងទី២ នៅថ្ងៃទី១៧ ខែកញ្ញា ឆ្នាំ២០២៥ ដែលមានប្រធានបទស្តីពីការទំនាក់ទំនង និងសហប្រតិបត្តិការចិន-អាស៊ាន លើសុវត្ថិភាពចំណីអាហារ។
នាការឡេីងថ្លែងសន្ទរកថារបស់លោកជំទាវវេជ្ជបណ្ឌិតរដ្ឋលេខាធិការ តំណាងឱ្យឯកឧត្តមសាស្ត្រាចារ្យរដ្ឋមន្ត្រីក្រសួងសុខាភិបាលកម្ពុជា ត្រូវបានទទួលស្គាល់លើឆាកអន្តរជាតិ និងទទួលបាននូវការស្វាគមន៍ដ៏កក់ក្តៅ ប្រកបដោយកាយវិការគោរព កោតសរសេីរជាមួយនឹងការថ្លែងអំណរគុណជាខ្លាំងពីសមភាគីចិន និងអ្នកចូលរួមនានា។
កិច្ចប្រជុំនេះ មានសមាសភាពរូលរួមពីថ្នាក់ដឹកនាំ និងអ្នកជំនាញមកពីបណ្តាប្រទេសនានា ដូចជារដ្ឋមន្ត្រី និងអនុរដ្ឋមន្ត្រីសុខាភិបាល គណៈប្រតិភូ នៃបណ្តាប្រទេសអាស៊ាន និងតំណាងអង្គការសុខភាពពិភពលោកប្រចាំប្រទេសចិន តំណាងអង្គការសហប្រជាជាតិប្រចាំប្រទេសចិន និងអង្គការផ្សេងៗទៀត។
