រាជធានីភ្នំពេញ៖ រសៀលថ្ងៃទី២៩ ខែកញ្ញា ឆ្នាំ២០២៥ ឯកឧត្តមវេជ្ជបណ្ឌិត ម៉ៅ តាន់អ៊ាង អនុរដ្ឋលេខាធិការ បានចូលរួមដឹកនាំកិច្ចប្រជុំគណៈកម្មការសម្របសម្រួលសម្រាប់ការថែទាំ និងព្យាបាលវេជ្ជសាស្ត្រថ្នាក់ជាតិ នៃក្រសួងសុខាភិបាល។
កិច្ចប្រជុំនេះមានគោលបំណង ដូចខាងក្រោម៖
១-ពិនិត្យមើលរបាយការណ៍សង្ខេប របស់ក្រុមការងារនីមួយៗ អំពីវឌ្ឍនភាពនៃការបញ្ចប់ មគ្គុទេសក៍គ្លីនិកចំនួនប្រាំ ( Clinical Practice Guidelines ) និងសេចក្តីណែនាំសំណុំសកម្មភាពបង្រ្គប់ ( CPA Guidelines)
២-រៀបចំផែនការសកម្មភាព ដើម្បីដាក់ជូនថ្នាក់ដឹកនាំ ពិនិត្យនិងសម្រេច មុនការបោះពុម្ព និងផ្សព្វផ្សាយ
៣-ត្រៀមរៀបចំផែនការសកម្មភាពបន្ត។
កិច្ចប្រជុំនេះ មានការអញ្ជើញចូលរួមពី ឯកឧត្តម លោកជំទាវអនុរដ្ឋលេខាធិការ ទីប្រឹក្សា មន្ត្រីរាជការក្រសួងសុខាភិបាល ព្រមទាំង លោក លោកស្រីវេជ្ជបណ្ឌិត ដែលជាសមាជិក នៃអនុគណៈកម្មការ និងតំណាងអង្គការដៃគូអភិវឌ្ឍន៍ សរុបទាំងចូលរួមផ្ទាល់ និងតាមប្រព័ន្ធ Zoom មានចំនួន ២០រូប។
