រាជធានីភ្នំពេញ៖ រសៀលថ្ងៃចន្ទ ទី២៩ ខែកញ្ញា ឆ្នាំ២០២៥ ឯកឧត្តមវេជ្ជបណ្ឌិត នាង ភារិទ្ធ រដ្ឋលេខាធិការក្រសួងសុខាភិបាល បានដឹកនាំកិច្ចប្រជុំស្តី ពីវឌ្ឍនភាពការងារ និងលើកទិសដៅបន្ត របស់មជ្ឈមណ្ឌលជាតិស្រាវជ្រាវវេជ្ជសាស្ត្របូរាណ ដើម្បីតាមដាន និងជំរុញការងារឱ្យកាន់តែមានប្រសិទ្ធភាពបន្ថែមទៀត។
ក្រោយពីកិច្ចប្រជុំពិភាក្សា អង្គប្រជុំបានឯកភាព និងសម្រេចដូចតទៅ៖
១-សួនរុក្ខជាតិឱសថនៅមជ្ឈមណ្ឌលជាតិ ត្រូវបានកែសម្រួលសម្រេចបាន១០០%
២-ក្រុមការងារត្រូវរៀបចំដាក់បំពាក់ស្លាកសម្គាល់រុក្ខជាតិឱសថ នៅមជ្ឈមណ្ឌល និងសួនរុក្ខជាតិឱសថគិរីរម្យ
៣-ថ្នាក់ដឹកនាំមជ្ឈមណ្ឌលជាតិស្រាវជ្រាវវេជ្ជសាស្ត្របូរាណ ត្រូវបន្តធ្វើបដិសណ្ឋារកិច្ចជាមួយគណ:ប្រតិភូជាតិ និងអន្តរជាតិពិសេសកម្ពុជា-ចិន ដើម្បីរឹតចំណងមិត្តភាពប្រទេសទាំងពីរឲ្យកាន់តែប្រសើរ ក្នុងវិស័យវេជ្ជសាស្រ្តបុរាណ។
កិច្ចប្រជុំនេះមានការអញ្ជើញចូលរួមពី ថ្នាក់ដឹកនាំ មន្ត្រីរាជការ និងអ្នកពាក់ព័ន្ធ នៃមជ្ឈមណ្ឌលជាតិស្រាវជ្រាវវេជ្ជសាស្ត្របូរាណ។
