ក្រុមការងារ នៃមន្ទីរពេទ្យកុមារជាតិ បានធ្វើបទបង្ហាញលើប្រធានបទ បទពិសោធន៍ក្នុងការរក្សាបាននូវការទុកចិត្ត និងបង្កើនការប្រើប្រាស់សេវាសុខាភិបាល របស់អតិថិជនឱ្យបានច្រើនលើសលុប។ ក្រុមការងាររបស់មន្ទីរកុមាជាតិ ដែលដឹកនាំដោយឯកឧត្តមសាស្រ្តាចារ្យនាយកមន្ទីរពេទ្យ បានលើកឡើងពី ការរីកចំរើនរបស់មន្ទីរពេទ្យកុមារជាតិ កត្តាប្រឈម និងយុទ្ធសាស្រ្ត ដែលមន្ទីរពេទ្យកុមាជាតិ បាននឹងកំពុងប្រើប្រាស់។
ការធ្វើបទបង្ហាញនេះដែរ បានផ្តោតលើការបកស្រាយលើ ៣ ចំនុច រួមមាន៖ (១)យុទ្ធសាស្រ្តកាត់បន្ថយបញ្ហាអសកម្ម ឬវិវាទរវាងគ្រូពេទ្យ និងអ្នកជំងឺ ដោយផ្តោតការយកចិត្តទុកដាក់ ទៅលើការរក្សាសុខភាពផ្លូវចិត្តរបស់អ្នកជំងឺ និងអ្នកកំដរ នៅពេលមកទទួលសេវាពីមន្ទីរពេទ្យ និងការគិតគូរពីសុខភាពផ្លូវចិត្តរបស់អ្នកបម្រើសេវាផងដែរ ព្រោះថាការបង្កើតឱ្យមានទំនាក់ទំនងល្អ រវាងអ្នកជំងឺ និងអ្នក ផ្តល់សេវា អាចជួយដល់ការទាក់ទាញ ការទុកចិត្ត និងការចូលរួមពីអតិថិជនរបស់មន្ទីរពេទ្យ (២) គ្រូពេទ្យព្យាបាល ត្រូវប្រកាន់យកយន្តការបច្ចេកទេស ដើម្បីផ្តល់ព័ត៌មានពីស្ថានភាពជំងឺ ជូនដល់អ្នកជំងឺឲ
ឱ្យមានភាពច្បាស់លាស់ ដើម្បីជៀសវាងបង្កើតឱ្យមានការយល់ច្រឡំ ដល់អ្នកជំងឺ ក្នុងកំឡុងពេលស្នាក់នៅក្នុងមន្ទីរពេទ្យ និង (៣) មន្ទីរពេទ្យទាំងអស់ ត្រូវមានគោលដៅ និង យុទ្ធសាស្រ្តច្បាស់លាស់ សម្រាប់បង្កើនគុណភាពសេវាជាបន្តន្ទាប់ ដើម្បីឱ្យសេវាសុខាភិបាល កាន់តែអាចឆ្លើយតបទៅនឹងតម្រូវការ និងការរំពឹងទុករបស់ប្រជាជនកម្ពុជាដែលមានការកើនឡើងពីមួយថ្ងៃទៅមួយថ្ងៃ។
