ខេត្តកំពត៖ ថ្ងៃទី២៤ ខែតុលា ឆ្នាំ២០២៥ ឯកឧត្ដមវេជ្ជបណ្ឌិត ស៊ិក ប៊ុណ្ណា រដ្ឋលេខាធិការក្រសួងសុខាភិបាល បានអញ្ជើញចូលរួមជាអធិបតី ក្នុងពិធីបិទសិក្ខាសាលាពិគ្រោះយោបល់ស្តីពី ការបង្កើតនីតិប្រតិបត្តិស្តង់ដា សម្រាប់ការដឹកជញ្ជូនសំណាកក្នុងការពង្រឹងសមត្ថភាពមន្ទីរពិសោធន៍ និងការឆ្លើយតបជម្ងឺរាតត្បាត។
សិក្ខាសាលាខាងលើ រៀបចំឡើងក្នុងគោលបំណង ពិនិត្យ និងពិភាក្សាលើសេចក្ដីព្រាង SOP ដេីម្បីធានាឱ្យបាននូវភាពត្រឹមត្រូវ និងសមរម្យ សម្រាប់បរិបទប្រទេសកម្ពុជា និងពង្រឹងសមត្ថភាពស្នូលតាមប្រការ IHR ២០២៥ ដោយធានាឱ្យមានប្រព័ន្ធដឹកជញ្ជួនសំណាកប្រកបដោយប្រសិទ្ធភាព ស្តង់ដារនិងទាន់ពេលវេលា មិនតែប៉ុណ្ណះ ក៏មានការពិភាក្សាអំពី ការបង្កើតយុទ្ធសាស្ត្រសហការរវាងអង្គការពាក់ព័ន្ធ ដេីម្បីធានាការឆ្លើយតបបានរហ័ស និងមានប្រសិទ្ធភាព និងគាំទ្រដល់ប្រព័ន្ធតាមដានជំងឺជាតិ បន្ថែមពីនេះ អង្គសិក្ខាសាលា ក៏បានពិភាក្សា ក្នុងការពង្រីកចំណេះដឹងសុវត្ថិភាពជីវសាស្ត្រ សុវត្ថិភាពជីវសាស្ត្រសង្គម និងស្តង់ដាវេចខ្ចប់ ស្របតាមបទបញ្ញត្តិ WHO & IATA ។
សិក្ខាសាលានេះ មានការចូលរួមពី អ្នកមន្ទីរពិសោធន៍ថ្នាក់ជាតិ ថ្នាក់ក្រោមជាតិ និងអង្គការដៃគូ សុបចំនួន២៥ រូប ក្រោមជំនួយឧបត្ថម្ភថវិកា ពីក្រសួងការបរទេសសហរដ្ឋអាមេរិក តាមរយៈគម្រោង STRIDES របស់អង្គការ FHI ៣៦០។
