ខេត្តសៀមរាប៖ ចាប់ពីថ្ងៃទី១៨ ដល់ថ្ងៃទី២១ ខែវិច្ឆិកា ឆ្នាំ២០២៥ លោកជំទាវវេជ្ជបណ្ឌិត ចាន់ សុខា អនុរដ្ឋលេខាធិការក្រសួងសុខាភិបាល បានចុះពិនិត្យស្ថានភាព ការបម្រើសេវាសុខាភិបាលនៅតាមមណ្ឌលសុខភាព មួយចំនួនក្នុងខេត្តសៀមរាប ។
ការចុះពិនិត្យនេះផ្តោតទៅលើចំណុចសំខាន់មួយចំនួនរួមមាន៖
១) ហេដ្ឋារចនាសម្ព័ន្ធ បរិស្ថានក្នុង និងជុំវិញមណ្ឌលសុខភាព
២) លើកកម្ពស់គុណភាពសេវា និងសុវត្ថិភាពអ្នកជំងឺ
៣) ការធ្វើបដិសណ្ឋារកិច្ច ក្នុងការបម្រើសេវាជូនអ្នកជំងឺ
៤) ការបណ្តុះបណ្តាលបន្ថែមលើបច្ចេកទេស និងប្រព័ន្ធឌីជីថល
៥) ការគ្រប់គ្រងឱសថ និងសម្ភារបរិក្ខារពេទ្យ
៦) ការគ្រប់គ្រង និងការអភិវឌ្ឍន៍ធនធានមនុស្ស
៧) ការបំពេញការងារ និងប្រចាំការ ២៤ម៉ោង/២៤ម៉ោង ៧ថ្ងៃ/សប្តាហ៍
៨) ការជំរុញបង្កើនការថែទាំសុខភាពបឋម (BHC-BIF) នៅតាមមូលដ្ឋានសុខភាពសាធារណៈ និងនៅក្នុងសហគមន៍។
ឆ្លៀតឱកាសនេះ លោកជំទាវក៏បានពពាំនាំនូវការផ្តាំផ្ញើសួរសុខទុក្ខ របស់ឯកឧត្តមសាស្ត្រាចារ្យ រដ្ឋមន្ត្រី ព្រមទាំងថ្លែង អំណរគុណដល់មន្ត្រីសុខាភិបាលទាំងអស់ដែលបានខិតខំបម្រើសេវាថែទាំ និងព្យាបាលជំងឺជូនប្រជាពលរដ្ឋក្នុងមូលដ្ឋាន។
