ខេត្តសៀមរាប៖ ចាប់ពីថ្ងៃទី១៧ ដល់ទី២១ ខែវិច្ឆិកា ឆ្នាំ២០២៥ ឯកឧត្តមវេជ្ជបណ្ឌិត នាង ភារិទ្ធ រដ្ឋលេខាធិការក្រសួងសុខាភិបាល បានចុះពិនិត្យមើលវឌ្ឍនភាព និងពង្រឹងគុណភាព នៃការបម្រើសេវាសុខាភិបាល នៅមណ្ឌលសុខភាពមួយចំនួន ក្នុងខេត្តសៀមរាប ។
បេសកកម្មនេះ ដើម្បីជំរុញការធ្វើឱ្យប្រសើរឡើងក្នុងការបម្រើសេវា និងបង្កើនគុណភាពសេវាសុខាភិបាល នៅតាមណ្ឌលសុខភាព និងការជំរុញបង្កើនការងារថែទាំសុខភាពបឋម (BHC-BIF) នៅតាមមូលដ្ឋានសុខភាពសាធារណៈ និងនៅក្នុងសហគមន៍ ការរក្សាអនាម័យល្អ ការប្រើប្រាស់ និងគ្រប់គ្រងឱសថ ការយកចិត្តទុកដាក់ថែទាំ សម្ភារបរិក្ខារពេទ្យ និងធានាឱ្យបាននូវការយាមប្រចាំការ ២៤ម៉ោង/២៤ម៉ោង ៧ថ្ងៃ/សប្ដាហ៍ ។
សូមបញ្ជាក់ថា មណ្ឌលសុខភាពដែលបានចុះពិនិត្យរួមមាន៖ មណ្ឌលសុខភាពតាអាន មណ្ឌលសុខភាពសែនសុខ មណ្ឌលសុខភាពស្លែងស្ពាន មណ្ឌលសុខភាពដូនសុខ មណ្ឌលសុខភាពប្រីយ៏ មណ្ឌលសុខភាពត្រាំសសរ។
