ចាប់ពីថ្ងៃទី ១៨ ដល់ទី២១ ខែធ្នូ ឆ្នាំ២០២៥ ថ្នាក់ដឹកនាំ និងក្រុមការងារក្រសួងសុខាភិបាល បានចុះពិនិត្យ នូវមូលដ្ឋានសុខាភិបាល នៅខេត្តតាមព្រំដែន ដឹកនាំដោយ ឯកឧត្តមវេជ្ជបណ្ឌិត កែរ រដ្ឋា រដ្ឋលេខាធិការ និងឯកឧត្តមវេជ្ជបណ្ឌិត ពាស់ មូស្លីមអនុរដ្ឋលេខាធិការ ។ មូលដ្ឋានសុខាភិបាលដែលចុះគាំទ្រ រួមមានមន្ទីរពេទ្យបង្អែកខេត្ត ពោធិ៍សាត់ មណ្ឌលសុខភាពប្រម៉ោយ មន្ទីរពេទ្យបង្អែកខេត្តបាត់ដំបង មន្ទីរពេទ្យបង្អែងកបវេល មន្ទីរពេទ្យបង្អែកថ្មគោល មណ្ឌលសុខភាពអំពិលប្រាំដេីម រួមទាំងមណ្ឌលសុវត្ថិភាពជនភៀសសឹកមួយចំនួន។
ជាមួយគ្នានេះ ឯកឧត្តមរដ្ឋលេខាធិការ និងក្រុមការងារបានពាំនាំនូវការផ្តាំផ្ញេីរ និងសួរសុខទុក្ខពី ឯកឧត្តមសាស្ត្រាចារ្យរដ្ឋមន្ត្រីក្រសួងសុខាភិបាល ជូនដល់មន្ត្រីសុខាភិបាលទាំងអស់ ដែលកំពុងបំពេញភារកិច្ចយ៉ាងសកម្ម នៅតាមខេត្តជាប់ព្រំដែនក្នុងរូបភាពជាកងទ័ពអាវស ព្រមទាំងបានជួបពិភាក្សា និងផ្ដល់យោបល់ដល់ថ្នាក់ដឹកនាំ មន្ទីរសុខាភិបាល ការិយាល័យស្រុកប្រតិបត្តិ មណ្ឌលសុខភាព មន្ទីរពេទ្យបង្អែកក្នុងការជំរុញការយកចិត្តទុកដាក់ ការផ្សព្វផ្សាយសារអប់រំសុខភាពនៅតាមមណ្ឌលសុវត្តិភាព រៀបចំផែនការកាពារសុខភាពនិងសង្រ្គោះបន្ទាន់ ការបម្រេីសេវាជូន វីរកងទ័ព ប្រជាជនភៀសសឹក និង អនុវត្តបែងចែកភារកិច្ចរបស់មន្ត្រីសុខាភិបាលឱ្យមានក្រុមគ្រូពេទ្យប្រចាំការ២៤ម៉/២៤ម៉ និងព្រមទាំងការគ្រប់គ្រងការផ្គត់ផ្គង់ឱសថបរិក្ខាបានល្អ និងប្រព័ន្ធបញ្ជូនទាន់ពេលវេលា។
