រាជធានីភ្នំពេញ៖ ព្រឹកថ្ងៃចន្ទ ៣កេីត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២២ ខែធ្នូ ឆ្នាំ២០២៥ ឯកឧត្តមវេជ្ជបណ្ឌិត ពាស់ មូស្លីមអនុរដ្ឋលេខាធិការក្រសួងសុខាភិបាល បានអញ្ជើញចូលរួមកិច្ចប្រជុំវិសាមញ្ញ គ.ត.ផ.ហ.ក. ក្រោមអធិបតីភាពលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធាន គ.ត.ផ.ហ.ក. និង ឯកឧត្តម អូស្មាន ហាស្សាន់ ទេសរដ្ឋមន្ត្រី ទទួលបន្ទុកបេសកម្មពិសេស និងជាអនុប្រធាន គ.ត.ផ.ហ.ក.។
កិច្ចប្រជុំមានគោលបំណង ពិភាក្សាប្រមូលធាតុចូល សម្រាបរៀបចំសេចក្តីព្រាងប្រកាសស្តីពី ការដាក់ពាក្យស្នើសុំវិញ្ញាបនបត្រ បញ្ជាក់បច្ចេកទេសស្តង់ដារផលិតផលហាឡាលកម្ពុជា និងឆ្លងសេចក្តីព្រាងឯកសារទស្សនទាន ស្តីពីយុទ្ធនាការផ្សព្វផ្សាយ និងសម្របសម្រួលការចុះបញ្ជី វិញ្ញាបនបត្រ បញ្ជាក់បច្ចេកទេសផលិតផល ហាឡាលកម្ពុជា។
កិច្ចពិភាក្សានេះ មានការអញ្ជើញចូលរួមពី ឯកឧត្តម លោកជំទាវ លោក លោកស្រី ជាអនុប្រធាន សមាជិក គ.ត.ផ.ហ.ក. មកពីក្រសួង ស្ថាប័នពាក់ព័ន្ធ។
