ការបម្រើសេវាសុខាភិបាលកម្រិតមណ្ឌលសុខភាពនៅទីនោះត្រូវបានសង្កេតឃើញថាមានភាពរស់រវើក សមត្ថភាពទទួលរាក់ទាក់បងប្អូនប្រជាពលរដ្ឋ បរិស្ថានប្រកបដោយផាសុខភាព អនាម័យល្អ និងការថែរក្សាថ្នាំសង្កូវ សម្ភារបរិក្ខារបានយ៉ាងសមរម្យ។
«ក្នុងគោលដៅពង្រឹងសេវាសុខភាពបឋម ដែលកៀកជិតប្រជាពលរដ្ឋ គ្រប់មន្ត្រីសុខាភិបាល និងគ្រប់កម្រិតដឹកនាំសុខាភិបាលទាំងអស់ សុទ្ធតែត្រូវមានភារកិច្ចចូលរួមគាំទ្រ នោងពាំនាំនូវបទពិសផធន៍ល្អៗចែករំលែកគ្នាពីមូលដ្ឋានសុខាភិបាលមួយទៅមូលដ្ឋានសុខាភិបាលមួយ។» គឺជាអ្វីដែលត្រូវបានយកមករំលឹក និងជំរុញជាប់ជាប្រចាំ ដោយផ្ទាល់ពីឯកឧត្តមសាស្ត្រាចារ្យរដ្ឋមន្ត្រី ក្នុងវេលាជួបជុំលើភាពជាអ្នកដឹកនាំ និងនវានុវត្តន៍ ក៏ដូចជាបានរំលឹកផ្ទាល់នាវេលាចុះពិនិត្យនេះផងដែរ។
ការចុះពិនិត្យនេះ គឺជាការថ្លែងនូវការអរគុណដល់បុគ្គលិក មណ្ឌលសុខភាព ដែលបានខិតខំក្នុងការបម្រើសេវាជូនប្រជាពលរដ្ឋ ប្រកបដោយស្មារតីរឹងមាំ សាមគ្គីគ្នាជាធ្លុងមួយ ឈរលើការស្រលាញ់ និងអាណិតអាសូរ ពាំនាំយកសមត្ថភាពបម្រើសេវាថែទាំ ព្យបាលការពារសុខភាពជូនអ្នកជំងឺឱ្យកាន់តែល្អប្រសើរថែមទៀត ស្របតាមតម្រូវការ និងជំនឿទុកចិត្តរបស់គាត់ ពោលគឺ «មិនឱ្យនរណាម្នាក់មិនទទួលបានការថែទាំសុខភាពនោះឡើយ។»
បាត់ដំបង៖ ថ្ងៃសុក្រ ទី២៧ ខែកុម្ភៈ ឆ្នាំ២០២៦
