នាព្រឹកថ្ងៃទី២៨ ខែកុម្ភៈ ២០២៦ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងរដ្ឋបាលខេត្តកោះកុង បានបន្តចុះសួរសុខទុក្ខ និងសំណេះសំណាលជាមួយមន្រ្តីរាជការ បុគ្គលិកសុខាភិបាល ដែលកំពុងបម្រើការងារនៅមណ្ឌលសុខភាព ស្មាច់មានជ័យ ខេត្តកោះកុង ដែលមានទីតាំងស្ថិតនៅក្នុងមន្ទីរពេទ្យបង្អែកខេត្តកោះកុង។
ក្នុងឱកាសនោះ ឯកឧត្តមសាស្រ្តាចារ្យរដ្ឋមន្រ្តី បានសំណេះសំណាល សួរសុខទុក្ខដោយសេចក្តីនឹករលឹក ថ្លែងអំណរគុណ និងកោតសរសើរនូវវីរៈភាពអង់អាចក្លាហានរបស់ក្រុមគ្រូពេទ្យ និងបុគ្គលិកសុខាភិបាល ក្នុងនាមជាកងទ័ពអាវស ដែលបានខិតខំប្រឹងប្រែង ដោយស្មារតីទទួលខុសត្រូវខ្ពស់ ទឹកចិត្តមុះមាត់ ឆន្ទៈខ្ពស់ ទោះបីស្ថិតក្នុងស្ថានភាពដ៏លំបាកបែបណាក៏ដោយ ក្នុងការលើកកម្ពស់សុខុមាលភាពប្រជាជន ជនភៀសសឹក និងវីរកងទ័ព នាពេលកន្លងមក ។
