រាជធានីភ្នំពេញ៖ នាព្រឹកថ្ងៃពុធ ទី២៥ ខែមីនា ឆ្នាំ២០២៦ នៅទីស្តីការក្រសួងសុខាភិបាល លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានគណៈកម្មការអន្តរក្រសួងសម្រាប់សម្របសម្រួលសុខភាពតែមួយ (IMCC-OH) បានដឹកនាំកិច្ចប្រជុំ ដើម្បីពិនិត្យវឌ្ឍនភាពការងាររបស់គម្រោងសុខភាពតែមួយនៅកម្ពុជា ដែលគាំទ្រដោយ រដ្ឋាភិបាលអាល្លឺម៉ង់ KFW/BMZ (OH4CAM) ។
គោលបំណងនៃកិច្ចប្រជុំ ដើម្បីពិនិត្យមើលការងារស្នូល កំណត់អាទិភាពកិច្ចការសំខាន់ៗ និងប្រតិបត្តិការមួយចំនួនជាមួយអង្គការ PATH ដែលជា ភ្នាក់ងារជួយសម្របសម្រួលផ្នែកបច្ចេកទេស ដើម្បីត្រៀមរួចជាស្រេច ក្នុងការដាក់ឱ្យអនុវត្តចាប់ពីដំណាច់ខែមេសា ឆ្នាំ២០២៦តទៅ ។
កិច្ចប្រជុំនេះ មានការអញ្ជើញចូលរួមពី ឯកឧត្តម សេន សុវណ្ណ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម សាបូ អូហ្សាណូ រដ្ឋលេខាធិការក្រសួងបរិស្ថាន ឯកឧត្តមវេជ្ជបណ្ឌិត ស៊ុង វិនតៈ រដ្ឋលេខាធិការក្រសួងសុខាភិបាល ឯកឧត្តម លោក លោកស្រី អគ្គនាយក អគ្គនាយករង ប្រធាននាយកដ្ឋាន អនុប្រធាននាយកដ្ឋាន នៃក្រសួងសុខាភិបាល ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន និងក្រុមការងារពាក់ព័ន្ធ។
