ខេត្តកំពង់ធំ៖ ថ្ងៃអង្គារ និងពុធ ទី២៤-២៥ ខែមីនាឆ្នាំ២០២៦ ឯកឧត្ដមវេជ្ជបណ្ឌិត ពាស់ មូស្លីម អនុរដ្ឋលេខាធិការក្រសួងសុខាភិបាល បានអញ្ជើញចូលរួមសិក្ខាសាលាពិគ្រោះយោបល់ស្តីពីគោលការណ៍ណែនាំ យុទ្ធសាស្ត្រខ្សែទស្សនាចរណ៍អន្តរខេត្ត និងការរៀបចំកញ្ចប់ទស្សនកិច្ចទេសចរណ៍ ក្រោមខ្លឹមសារ «សៀមរាប តារារះនាទិសឧត្តរ»
ក្រោមអធិបតីភាពភាព ឯកឧត្ដម បណ្ឌិត ថោង ខុន ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានគណៈកម្មាការ គ្រប់គ្រងអភិវឌ្ឍន៍ទេសចរណ៍សៀមរាប-អង្គរ។
សិក្ខាសាលាពិគ្រោះយោបល់ មានគោលបំណង សិក្សាបង្កើតសៀគ្វី ទេសចរណ៍ខេត្តសៀមរាប ភ្ជាប់នឹងបណ្ដាខេត្តជុំវិញ អនុវត្តតាមអនុសាសន៍ ផ្តួចផ្តើមដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងការបង្កើតឱ្យមានរបៀងទេសចរណ៍អន្តរខេត្ត ដេីម្បី
អភិវឌ្ឍន៍ខ្សែទស្សនាចរណ៍ សៀមរាប និងកំពង់ធំ ព្រះវិហារ ឧត្តរមានជ័យ បន្ទាយមានជ័យ និងបាត់ដំបង ឱ្យក្លាយទៅជាខ្សែ ទស្សនាចរណ៍ថ្មី រួមចំណែកដល់ការលើកកម្ពស់សេដ្ឋកិច្ចមូលដ្ឋាន ធ្វើឱ្យជីវភាពប្រជាពលរដ្ឋកាន់តែប្រសេីរ និងរួមចំណែក ដល់ការ អភិវឌ្ឍធនធានវប្បធម៌ និង បេតិកភណ្ឌ តាមរយៈវិស័យទេសចរណ៍។
សិក្ខាសាលានេះ ការចូលរួមពីតំណាងក្រសួង ស្ថាប័នពាក់ព័ន្ធ ថ្នាក់ជាតិ និងថ្នាក់ក្រោមជាតិ និងសេវាឯកជនផងដែរ។
