ថ្ងៃទី ២៤ ខែ កក្កដា ឆ្នាំ ២០២៦
រាជធានីភ្នំពេញ៖ ព្រឹកថ្ងៃសុក្រ ទី២៤ ខែកក្កដា ឆ្នាំ២០២៦ នៅវិទ្យាស្ថានជាតិសុខភាពសាធារណៈ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានក្រុមការងារគ្រប់គ្រងផលិតផលគ្រឿងស្រវឹង នៃក្រសួងសុខាភិបាល បានដឹកនាំកិច្ចប្រជុំក្រុមការងារគ្រប់គ្រងផលិតផលគ្រឿងស្រវឹង នៃក្រសួងសុខាភិបាល ក្នុងគោលបំណងពិភាក្សា និងផ្លាស់ប្តូរយោបល់លើប្រធានបទបច្ចេកទេសពាក់ព័ន្ធនឹងការងារគ្រប់គ្រងផលិតផលគ្រឿងស្រវឹង ស្របតាមទិសដៅ និងអាទិភាពរបស់ក្រសួងសុខាភិបាល។
កិច្ចប្រជុំនេះមានការចូលរួមពី ឯកឧត្តម ជូ ម៉េងចាន់ អនុរដ្ឋលេខាធិការ អគ្គនាយករងបច្ចេកទេស អគ្គលេខាធិការរង តំណាងនាយកដ្ឋានពាក់ព័ន្ធ ព្រមទាំងសមាជិកក្រុមការងារគ្រប់គ្រងផលិតផលគ្រឿងស្រវឹងសរុបចំនួន ២០រូប។
