ថ្ងៃទី ១១ ខែ សីហា ឆ្នាំ ២០២៦
ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងថ្នាក់ដឹកនាំបានអញ្ជើញចូលរួម ក្នុងជំនួបសម្តែងការគួរសម ជាមួយសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា និងសមាជិកសភាអាស៊ី-ប៉ាស៊ីហ្វ៊ិក ក្នុងឱកាសនៃកិច្ចប្រជុំលើកទី៩ នៃវេទិកាសមាជិកសភាអាស៊ី-ប៉ាស៊ីហ្វ៊ិក ស្តីពីសុខភាពសកល ដែលសភានៃព្រះរាជាណាចក្រកម្ពុជា ទទួលធ្វើជាម្ចាស់ផ្ទះ មានរយៈពេលបីថ្ងៃ គឺពីថ្ងៃទី១១ ដល់ថ្ងៃទី១៣ ខែសីហា ឆ្នាំ២០២៦ ក្រោមប្រធានបទ «សេវាគ្របដណ្តប់សុខភាពជាសកល ក្នុងយុគសម័យបញ្ញាសិប្បនិម្មិត (AI) និងបរិបទនៃការប្រែប្រួលអាកាសធាតុ»។
កិច្ចប្រជុំនេះ ក៏មានការចូលរួមពីលោកវេជ្ជបណ្ឌិត សាយយ៉ា ម៉ាអ៊ូ ពីយូកាឡា (Dr. Saia Ma’u Piukala) នាយកអង្គការសុខភាពពិភពលោក (WHO) ប្រចាំតំបន់ប៉ាស៊ីហ្វ៊ិកខាងលិច និងមានវត្តមានគណៈប្រតិភូចំនួន ១៥ ប្រទេស ចូលរួមចែករំលែកបទពិសោធន៍ និងកសាងនូវទំនាក់ទំនង ចំណងមិត្តភាព និងភាពជាដៃគូ ក្នុងការលើកកម្ពស់ផលប្រយោជន៍ពលរដ្ឋ។
រាជធានីភ្នំពេញ៖ ថ្ងៃអង្គារ ទី១១ ខែសីហា ឆ្នាំ២០២៦
