ថ្ងៃទី ១២ ខែ សីហា ឆ្នាំ ២០២៦
រាជធានីភ្នំពេញ៖ ថ្ងៃពុធ ទី១២ ខែសីហា ឆ្នាំ២០២៦ លោកជំទាវសាស្ត្រាចារ្យ អុឹម សិទ្ធិការ្យ រដ្ឋលេខាធិការក្រសួងសុខាភិបាល បានជួបពិភាក្សាជាមួយប្រតិភូក្រុមហ៊ុន Abbott Laboratories ដើម្បីពង្រីកកិច្ចសហការលើវិស័យសុខាភិបាល ព្រមទាំងពិនិត្យលទ្ធភាពចូលរួមជួយឧបត្ថម្ភលើការធ្វើតេស្តរកជំងឺមហារីកមាត់ស្បូននៅកម្ពុជា។
លោកជំទាវសាស្ត្រាចារ្យរដ្ឋលេខាធិការ បានស្វាគមន៍ លោកស្រី Bun Guech Hour Capital Health Managing Director និងសហការី ដែលបានចូលជួបសម្តែងការគួរសម និងបានថ្លែងអំណរគុណដល់ Abbott ដែលបានសហការគាំទ្រវិស័យសុខាភិបាលកម្ពុជា កន្លងមក។
ក្នុងឱកាសនេះលោកជំទាវសាស្ត្រាចារ្យ រដ្ឋលេខាធិការ បានជម្រាបជូនភាគី Abbott អំពីផែនការជាតិគ្រប់គ្រងជំងឺមហារីក (២០២៥-២០៣០) ដោយក្រសួងកំពុងអនុវត្តគម្រោងត្រួតពិនិត្យ HPV នៅ ២ខេត្ត ក្នុងឆ្នាំ២០២៦-២០២៧ និងមានគម្រោងពង្រីកទៅ ៥ខេត្តបន្ថែមចាប់ពីឆ្នាំ២០២៧។
ប្រតិភូក្រុមហ៊ុន Abbott បានបង្ហាញក្តីសង្ឃឹម និងប្តេជ្ញាចិត្តខ្ពស់ក្នុងការយកបទពិសោធន៍ និងបច្ចេកវិទ្យាទំនើបៗ មកចូលរួមជាមួយសុខាភិបាល ក្នុងការពង្រឹងសមត្ថភាពធ្វើតេស្តរកជំងឺមហារីកមាត់ស្បូននៅកម្ពុជា តាមរយៈការគាំទ្រលើម៉ាស៊ីនទំនើប និងបច្ចេកទេសប្រកបដោយគុណភាពកម្រឹតខ្ពស់។
