ថ្ងៃទី ១៤ ខែ សីហា ឆ្នាំ ២០២៦
រាជធានីភ្នំពេញ៖ ព្រឹកថ្ងៃទី១៣ ខែសីហា ឆ្នាំ២០២៦ នៅទីស្តីការក្រសួងសុខាភិបាល លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានក្រុមការងារគ្រប់គ្រងផលិតផលគ្រឿងស្រវឹង នៃក្រសួងសុខាភិបាល បានដឹកនាំកិច្ចប្រជុំបច្ចេកទេស ក្រុមការងារគ្រប់គ្រងផលិតផលគ្រឿងស្រវឹង នៃក្រសួងសុខាភិបាល ក្នុងគោលបំណងពិភាក្សា និងផ្លាស់ប្តូរយោបល់លើប្រធានបទបច្ចេកទេស ពាក់ព័ន្ធនឹងការងារគ្រប់គ្រងផលិតផលគ្រឿងស្រវឹង ស្របតាមទិសដៅ និងអាទិភាពរបស់ក្រសួងសុខាភិបាល។
កិច្ចប្រជុំនេះមានការចូលរួមពី ឯកឧត្តម ជូ ម៉េងចាន់ អនុរដ្ឋលេខាធិការក្រសួងសុខាភិបាល អគ្គនាយករងបច្ចេកទេស អគ្គលេខាធិការរង អគ្គាធិការរង តំណាងនាយកដ្ឋានពាក់ព័ន្ធ ព្រមទាំងសមាជិកក្រុមការងារគ្រប់គ្រងផលិតផលគ្រឿងស្រវឹង សរុបចំនួន ២១រូប។
