ថ្ងៃទី ១៨ ខែ សីហា ឆ្នាំ ២០២៦
ខេត្តរតនគិរី៖ ថ្ងៃអាទិត្យ ទី១៦ ខែសីហា ឆ្នាំ២០២៦ ឯកឧត្ដមវេជ្ជបណ្ឌិត ពាស់ មូស្លីម អនុរដ្ឋលេខាធិការក្រសួងសុខាភិបាល ព្រមទាំង លោក យ៉ា សុធា អគ្គលេខាធិការរង និងជាសមាជិកក្រុមការងាររាជរដ្ឋាភិបាល ចុះជួយខេត្តរតនគីរី បានចុះសួរសុខទុក្ខ ដល់មន្រ្ដីសុខាភិបាល ដែលកំពុងរបម្រេីការងារ នៅមណ្ឌលសុខភាព កិះចុង និងមន្ទីរពេទ្យបង្អែកបរកែវ នៃការិយាល័យស្រុកប្រតិបត្តិបរកែវ។
ឆ្លៀតក្នុងឱកាសនោះ ឯកឧត្ដម ក៏បាន សំណេះសំណាលជាមួយ អ្នកជំងឺ និង គ្រួសារអ្នកជំងឺ ដែលមកទទួលសេវា និង កំពុងសម្រាកព្យាបាល នៅក្នុងមណ្ឌលសុខភាព និងមន្ទីរពេទ្យបង្អែក ព្រមទាំងបាននាំ ការផ្តាំផ្ញើរ សួរសុខទុក្ខ ពីឯកឧត្ដមសាស្ត្រាចារ្យរដ្ឋមន្រ្ដី ក្រសួងសុខាភិបាល ជូនដល់មន្ត្រីដែលកំពុងខិតខំបំពេញភារកិច្ច ប្រកបដោយការយកចិត្តទុកដាក់ខ្ពស់ និង គោរពតាមនិយាម ក្រមសីលធម៌វិជ្ជាជីវៈសុខាភិបាល។
