ទិវាវេជ្ជសាស្ត្រ សល្យសាស្ត្រលើកទី១៣ ការថែទាំលើកទី៨ និងវេជ្ជសាស្ត្របុរាណចិនលើកទី៣
ថ្ងៃទី ២៣ ខែ សីហា ឆ្នាំ ២០២៤
រាជធានីភ្នំពេញ៖ ថ្ងៃសុក្រ ៤រោច ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែសីហា ឆ្នាំ២០២៤ ឯកឧត្តមសាស្ត្រាចារ្យ ឡឹម តារា រដ្ឋលេខាធិកាក្រសួងសុខាភិបាល ជាតំណាងដ៏ខ្ពង់ខ្ពស់របស់ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានអញ្ជេីញក្នុងពិធីបើកទិវាវេជ្ជសាស្ត្រ សល្យសាស្ត្រលើកទី១៣ ការថែទាំលើកទី៨ និងវេជ្ជសាស្ត្របុរាណចិនលើកទី៣ ក្រោមប្រធានបទ “នវានុវត្តន៍ វេជ្ជសាស្ត្រ-សល្យសាស្ត្រ ការថែទាំ និងវេជ្ជសាស្ត្របុរាណចិន នៃមន្ទីរពេទ្យមិត្តភាពកម្ពុជា-ចិន ព្រះកុសុមៈ”។
ពិធីនេះមានការចូលរួមពីសំណាក់ឯកឧត្តមលោកជំទាវសាស្ត្រាចារ្យ វេជ្ជបណ្ឌិត ជារដ្ឋលេខាធិការ អនុរដ្ឋលេខាធិការ អគ្គនាយ នាយក នាយករងមន្ទីរពេទ្យជាតិ មជ្ឈមណ្ឌលជាតិ ភ្ញៀវជាតិនិងអន្តរជាតិយ៉ាងច្រើនកុះករ។
ទិវានេះតែងតែប្រារព្ធធ្វើឡើងយ៉ាងទៀងទាត់ជារៀងរាល់ឆ្នាំ ក្នុងគោលបំណងផ្តល់ និងផ្លាស់ប្តូរនូវបទពិសោធន៍ថ្មីៗក្នុងចំណោមអ្នកវេជ្ជសាស្ត្រគ្រប់ឯកទេស គិលានុបដ្ឋាក គិលានុបដ្ឋាកយិការ និងអ្នកបច្ចេកទេសពាក់ពន្ធ័ទាំងឡាយ ដើម្បីពង្រឹងចំណេះជំនាញបច្ចេកទេស ព្រមទាំងក្រមសិលធម៌វិជ្ជាជីវៈ ក្នុងការបម្រេីសេវាសុខាភិបាល ជូនប្រជាពលរដ្ឋប្រកបដោយគុណភាព សក្ក័សិទ្ធភាព និងសុវត្ថិភាពខ្ពស់។
ឯកឧត្តមវេជ្ជបណ្ឌិតឯកទេស តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ បានបញ្ជាក់ជូនអង្គពិធីអំពីវឌ្ឍនភាពយ៉ាងលឿនរបស់មន្ទីរពេទ្យលើគ្រប់វិស័យរួមទាំងខាងឌីជីថលផងដែរ។
ពិធីនេះប្រព្រឹត្តទៅរយៈពេល២ថ្ងែ និងមានការបង្ហាញអំពីវេជ្ជសាស្ត្របូរាណចិនផង។
