កិច្ចប្រជុំសាមញ្ញលើកទី៤ របស់គណៈកម្មាធិការជាតិការពារអ្នកប្រើប្រាស់ «គ.ជ.ក.ប.»
ថ្ងៃទី ០៩ ខែ ធ្នូ ឆ្នាំ ២០២៤
រាជធានីភ្នំពេញ៖ នាព្រឹកថ្ងៃចន្ទ ៩កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៩ ខែធ្នូ ឆ្នាំ២០២៤ នៅទីស្ដីការក្រសួងពាណិជ្ជកម្ម ឯកឧត្តមសាស្ត្រាចារ្យ ឡឹម តារា រដ្ឋលេខាធិការក្រសួងសុខាភិបាល និងជាសមាជិកគ.ជ.ក.ប. បានអញ្ជើញចូលរួមកិច្ចប្រជុំសាមញ្ញលើកទី៤ប្រចាំឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់លោកជំទាវ ចម និម្មល រដ្ឋមន្ត្រីក្រសួងពានិជ្ជកម្មនិងជាប្រធានគណៈកម្មាធិការជាតិ គ.ជ.ក.ប.។
អង្គប្រជុំបានពិនិត្យពីរបាយការណ៍វឌ្ឍនៈភាពរបស់គ.ជ.ក.ប. រយៈពេលកន្លងមក រៀបចំបំពេញបន្ថែមនូវលិខិតបទដ្ឋានគតិយុត្តសំរាប់ប្រតិបត្តិការងារឱ្យកាន់តែមានប្រសិទ្ធភាព ក្នុងទិសដៅការពារប្រជាជនទូទៅដែលជាអ្នកប្រើប្រាស់នូវផលិតផលនានា និងសេវាគ្រប់មុខ គ្រប់វិស័យទាំងអស់។
