រាជធានីភ្នំពេញ៖ នាល្ងាចថ្ងៃអង្គារ ៤រោច ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែវិច្ឆិកា ឆ្នាំ២០២៤ នៅសណ្ឋាគារ Raffle Le Royal  ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការ និង​ជា​នាយក​គំរោង​អន្តរក្រសួង​​សុខភាព​តែ​មួយ​  ឯកឧត្ដម​សាស្ត្រាចារ្យ​ យីត​ ស៊ុន​ណា​រ៉ា​ រដ្ធ​លេខា​ធិការ​  ឯកឧត្តមវេជ្ជបណ្ឌិត ស៊ុង វិនតៈ រដ្ឋលេខាធិការ ឯកឧត្ដម​ ហុក​ គឹម​ចេង​  អគ្គនាយក​បច្ចេកទេស​សុខាភិបាល​ ឯកឧត្តម​ សាកល​វិទ្យា​ធិការ​ សាផុន​ វឌ្ឍនៈ​ ព្រមទាំង​មន្ត្រី​ជាន់ខ្ពស់​ពាក់ព័ន្ធ​បានចូលរួមកម្មវិធី Farewell Dinner របស់ Ms. Jenny Scharrer នាយិកាប្រចាំប្រទេសកម្ពុជា នៃការិយាល័យធនាគារអភិវឌ្ឍអាល្លឺម៉ង់ KfW ។

ក្នុងពិធី Farewell Dinner នេះធ្វើឡើងក្នុងគោលបំណងថ្លែងអំណរគុណដល់ Ms. Jenny Scharrer ដែលបានបំពេញបេសកកម្មដ៏ឧត្តុង្គឧត្តមរបស់ខ្លួនអស់រយៈពេល៣ឆ្នាំ ដែលបានរួមចំណែកជួយដល់ការអភិវឌ្ឍរបស់ប្រទេសកម្ពុជាក្នុងវិស័យធំៗបី រួមមានវិស័យសុខាភិបាល វិស័យកសិកម្ម និងវិស័យអភិវឌ្ឍន៍ជនបទ។ ក្នុងពិធីនេះក៏មានការអបអរសាទរចំពោះការចូលកាន់តំណែងថ្មីបន្តដោយ Dr. Daniel Plankermann ដែលនឹងជានាយកប្រចាំប្រទេសកម្ពុជា នៃការិយាល័យធនាគារអភិវឌ្ឍអាល្លឺម៉ង់ KfW។ 

ក្នុងពិធីនេះផងដែរ ក៏មានការអញ្ជើញចូលរួម​ដឹកនាំ​ ដ៏ខ្ពង់ខ្ពស់ពីសំណាក់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ឯកឧត្តម Stefan Messerer ឯកអគ្គរាជទូតអាល្លឺម៉ង់ប្រចាំកម្ពុជា Mr. Michael Gruber អ្នកគ្រប់គ្រងថ្នាក់តំបន់ ប្រចាំអាស៊ីបូព៌ា និងអាស៊ីអាគ្នេយ៍ Regional Manager for East and South East Asia។

ក្នុង​ពិធី​នោះ​ដែរ​ ក៏​មានការ​ចូលរួម​ពី​ មន្ត្រី​ជាន់ខ្ពស់​ នៃ​ ក្រសួងបរិស្ថាន ក្រសួងកសិកម្មរុក្ខាប្រមាញ់និងនេសាទ និងតំណាងអង្គការដៃគូរជាច្រើនរូបរួមមាន WHO, WB, DFAT, KOICA និងដៃគូអភិវឌ្ឍន៍ជាតិនិងអន្តរជាតិផ្សេងៗជាច្រើនរូបទៀត។